Baalenje

Uut Wikipedia
(Fäärelaited fon Baaljene)
Wikselje tou: Navigation, Säike (08)
In Baalenje ap dän Äsk: Huddenjeboom, links Broukspalle, Bielde P. Kramer, 1970
Dät Ferienhusgebied "Sonnenau", 1970er Jiere, Bielde: Bruno Ewen

Baalenje of Baaljene, düütsk Bollingen, roomelsk Boaljene is ne Buurskup fon Strukelje. Ju lait aastersiede Äi un suud-aastelk fon dän Uutändjer Kanoal. Deer in de Fotje skäl die Fräisenköönich Radbod begreeuwen lääse.

Noome[Beoarbaidje | Quelltext bearbeiten]

Die Noome is oold uurlääwerd as 1359 Boldynck, 1472 Boldinghen. Dät lät sik ärkläärje as an en -ingen-Ouleedenge fon n Persoonenoome Balde fon dän Stam -bald- ‘dapper’. Ju Oard -ingen-Noomen wiesde siet dät 12. Jierhunnert in Aastfräislound ne groote Produktivität ap. In ju Tied kuud mäd dän Noome dan uk ju Buurskup äntsteen weese.

Hanneschite[Beoarbaidje | Quelltext bearbeiten]

In Baaljene is n Gestrich, dät hat Hanneschite. Dät wuud dan fröier oafte as Skeldnoome bruukend. Intwiske is bekoant, dät dät n oold Woud is un sofuul betjud as Säärkhoaf. Där wier fröier wail n Germanen-Säärkhoaf.

Geskichte[Beoarbaidje | Quelltext bearbeiten]

N Stukje de Seelter Äi häärunner in e Äkke in Baalenje, wier ju Sträite ätter Elisabethfeen un Bäärsel gungt, deer hieden Lassen hiere Hällenge. Do hääbe de Hällenge al uum 1910 aproat.

Bie ju Uutändjer Määlne liech deer uk dät Määlnboot, foar do Kunden uut Baalenje.

Fröier, so uum 1960-1980 wier in Baaljene an ju Ostermoorsträite ne Broodfabriek.

Skoule[Beoarbaidje | Quelltext bearbeiten]

Baalenje hiede fröier ne oaine katoolske Skoule. Ju Baalenjer Skoule wuud 1908/09 baud as "Skoule an dän Baaljener Kanoal". Eerste wieren där 42 Sköilere, in dän 2. Waareldkriech wieren dät al 128 Sköilere. Ju Skoule wuud 1937 ap two Klassen un 1965 ap tjo Klassen fergratterd. Ju hoogere Klassen keemen 1966 ätter ju Skoule in Strukelje.

Ju Skoule wuud dän 1.2.1972 sleeten.

Do Koastere an ju Skoule wieren:

Laitenge:

  • 1910 - 1918: Georg Südkamp (Fertreedenge: Grothe, Stuntebeck, Sieveke, Willenborg, Fortmann)
  • 1918 - 1926: August Kallage
  • 1926 - 1936: Julius Seeger
  • 1936 - 1950: Johann Hagen
  • 1950 - 1962: Hermann Tegeler
  • 1962 - 1965: Gerd Schwittek
  • 1965 - 1968: Johannes Kramer
  • 1968 - 1970: Anna Zwinge geb. Genau (Fertreedenge)
  • 1970 - 1972: Cäcilia Schulte (Suding), Fertreedenge

2. un 3. Koaster:

  • 1946: Wilhelmine Cordes
  • 1947: Maria Leppich
  • 1949: Anneliese Hagen
  • 1951: Ursula Geesen
  • 1952: Maria Wienholt
  • 1953: Gisela Schillmöller
  • 1954: Koasterske Fugel
  • 1956: Rita Hohmann
  • 1958: Heinz Wübbolt
  • 1961: Gerd Schwittek
  • 1962: Georg Batke
  • 1962: Anna Zwinge geb. Genau
  • 1965: Cäcilia Schulte

Sonnenau[Beoarbaidje | Quelltext bearbeiten]

In do 1970er Jiere wuud dät Ferienhusgebied "Sonnenau" an ju Seelter Äi ieuwenske Strukelje baud.

Bedrieuwe[Beoarbaidje | Quelltext bearbeiten]

  • Arens Rohrleitungsbau
  • Ferskäidene Hondwierks- un Hondelsbedrieuwe

Bädden in Baalenje[Beoarbaidje | Quelltext bearbeiten]

Sjuch uk[Beoarbaidje | Quelltext bearbeiten]

Ferbiendengen[Beoarbaidje | Quelltext bearbeiten]

Loundnoomen, Siede 39ff.�

Ferwiesengen[Beoarbaidje | Quelltext bearbeiten]

oldwikisource Wikisource: Hanneschite hat Säärkhoaf – Wällensammelenge

Wällen[Beoarbaidje | Quelltext bearbeiten]

  • Franz Dwertmann: Das grosse Sterben der kleinen Schulen, Vechtaer Druckerei und Verlag, 1984, ISBN 3-88441-025-3
 
Täärpe un Buurskuppe in Seelterlound
Woapen fon Seelterlound

Täärpe
Roomelse | Skäddel | Strukelje | Seedelsbierich
Buurskuppe
Baalenje | Bäätholt | Bieuwelte | Boukeläsk (Klaaster) | Fäärmesound | Hällene I + II | Heeselbierich | Hollen | Hollenerfoan | Hollenbround | Idafeen (bit 1974) |
Knülke (Skillup) | Loanghoarst | Siedlenge Muddebierich | Näiskäddel (bit 1974) | Näiwal | Roomelse-Aast |
Roomelse-Wääst mäd Hoogebierich, Häärst un Raake | Seedelsbierich-Kolonie | Skäddelerdom | Strukelje-Wääst | Ubbehusen | Uutände | Wietsound