Fäärmesound

Uut Wikipedia
Wikselje tou: Navigation, Säike (08)
Dät Huus fon Hespe uut 1828, dät eerste Huus ap Fäärmesound, Apnuumen foar 1959
Die Toanksteen fon Fäärmesound

Fäärmesound is ne Buurskup fon Seedelsbierich. Ju Buurskup is ätter dät Deelen fon ju Skäddeler Meente so uum dät Jiehr 1822 äntsteen.

Loage[Beoarbaidje | Quelltext bearbeiten]

Ju Buurskup lait suudelk fon Näiwal un aastelk fon ju Seelter Äi, un fangt oun bi dät Flurstük - Scheepmeer - Rodebierich - Kanienkenbusk - un gungt dan an ju Hauptsträite ätter Seedelsbierich bilongs bit tou ju Koloniesträite. Aastelk Fäärmesound lait die Aastfoan.

Noome[Beoarbaidje | Quelltext bearbeiten]

Di Nome Fermesound is al fon oolds bekaoant, uk ap allere Loundkoarten wät dät al noomt. Dät Tjuden fon dän Noome is nit so makkelk. Allinich Pyt Kramer häd in sien Book - Lound un Noomen - wier hie alle Flurnoamen fon Seelterlound beskrieuwen häd, ap Siede 228/281 dän Noome Fermesound unnersocht. Hie deelt dän Noome ap in twäin Deele - in Ferme un in Sound. Die läste Deel - Sound - kwät wail, dät där fuul Sound wääsen is (Stuf- un Dunenflächen). Tou dän eersten Deel meent hie, dät die fon dät ooldfräiske Woud - Forma - kumt, wät därätter dan - das Erste - hat. Dät - O - in Forma is in dän Tiedverloop n -E, wuden. Därätter betjuud - Fermesound - dät eerste Sound, do eersten Soundhövele - fon Skäddel ut, in suudelke Gjuchtenge, wät dan mäd dän Roodebierich, so as uk mäd do Hövele fon bee Kante Sträite, un do Dunen fon dän Kanienkenbusk gans un goar uureenstimt. Ätter ju aktuälle Gjuchtsskriewenge wäd Fermesound däälich Fäärmesound skrieuwen.

Geskichte[Beoarbaidje | Quelltext bearbeiten]

Färmesound wuud ätter dän grooten Bround in Skäddel in 1822 gruundet. Bit tou dat Jier 1825 was Fäärmesound noch nit besiedelt. Dät ganse Lound heerde tou ju Skäddeler Meente.

Di eerste Anbauer was dan n Hespe ut Lindern, die in dät Jiehr 1828, dät eerste Huus bäte do Soundhövele fon dän Kanienkenbusk (Hinter den Tannen) apbaude. Dät Huus kreeg dan uk ju Huusnummer 1, ju ju Steede däälich noch häd. Man kon dan dät Jier 1828 as ju Bedsiedelenge fon Fäärmesound anreekenje.

Kanienkenbusk[Beoarbaidje | Quelltext bearbeiten]

Wier däälich ju Kesselfabriek Bruns stound, wier fröier die Kanienkenbusk. Där wieren hooge Soundbierge, fillicht bit tou 10 m hooch. Die ganse Flääche was mäd hooge Boome bewuksen. Ätter dät in do 1960-er Jiere ju Fabriek där baud wuude, is die ganse Busk wäch moaked un mäd Fabriekhallen fullboud. Bloot aan dän bäätesten Rant stounde noch wät Boome.

Do tjoo Huuse bääte dän Kanienkenbusk wuuden siet fröier un aleer tou Skäddel reekend. Dät kuumt fillicht derfon, dät die Kaninekenbusk noch tou Näiwal heerde.

Bedrieuwe[Beoarbaidje | Quelltext bearbeiten]

  • Ap Fäärmesound wier fröier dät Eedwierk "Schrader", do dän Eed uut die Wäästfoan hoalden. Do heere däälich tou ju Moorkultuur Roomelse. Dät Wierk is in 2011 oubrand.
  • Suudelk Seedelsbierich sunt ferskäidene Hondels- un Hondwierksbedrieuwe

Bädden in Fäärmesound[Beoarbaidje | Quelltext bearbeiten]

  • Hermann Tellmann (Buurmäster fon ju Meente Skäddel fon 1961 - 1968)

Ferwiesengen[Beoarbaidje | Quelltext bearbeiten]

oldwikisource Wikisource: Ju Buurskup Fäärmesound – Wällensammelenge


 
Täärpe un Buurskuppe in Seelterlound
Woapen fon Seelterlound

Täärpe
Roomelse | Skäddel | Strukelje | Seedelsbierich
Buurskuppe
Baalenje | Bäätholt | Bieuwelte | Boukeläsk (Klaaster) | Fäärmesound | Hällene I + II | Heeselbierich | Hollen | Hollenerfoan | Hollenbround | Idafeen (bit 1974) |
Knülke (Skillup) | Loanghoarst | Siedlenge Muddebierich | Näiskäddel (bit 1974) | Näiwal | Roomelse-Aast |
Roomelse-Wääst mäd Hoogebierich, Häärst un Raake | Seedelsbierich-Kolonie | Skäddelerdom | Strukelje-Wääst | Ubbehusen | Uutände | Wietsound