Hollenerfoan

Uut Wikipedia
Wikselje tou: Navigation, Säike (08)
Hollenerfoan, 1931, Bielde: Dr. Botke
Dät lääsde Eepene Huus fon Mareike Deddens
Do Soundhövele fon Hollebierich, Bielde Dr. Botke, 1931
Die Hollener See, bääte Hollebierich

Hollenerfoan (düütsk: Hollenermoor) is ne Buurskup fon Roomelse.

Loage[Beoarbaidje | Quelltext bearbeiten]

Ju Buurskup lait suudelk Roomelse-Aast, aastelk Hollen un noudelk Loanghoarst. Aastelk fon Hollenerfoan lait die Aastfoan. Die Skeed twiske Hollenerfoan un Roomelse-Aast is uungefäär bie dän Koppelwai (Koppelweg).

Truch Hollenerfoan gungt ju Ostermoorsträite, ju fon Näiwal uur Loanghoarst, Hollenerfoan un Roomelse-Aast bit tou Baalenje fiert.

Geskichte[Beoarbaidje | Quelltext bearbeiten]

In dät lääsde Haaldeel fon dät 18. Jierhunndert is ju Foankolonie Hollenerfoan truch Familien uut Hollen besiedet wuuden. N poar historieske Iendreege uur dän Begin fon ju Kolonialisierung stounde in do Roomelster Säärkebouke. Dät sünt do eersten Iendreege uut Hollenerfoan:

  • a. im Taufregister von 1779: Eilard Heyens, Sohn von Heye Loutjens und Caspar Harms Krömer, Sohn von Harm Remmer Krömer auf'm Moratz;
  • b. im Sterberegister von 1787: Regina Harms a palude Hollenermoor,
  • c. im Kopulationsregister von 1788: Sivet Ahlrich Henken ex palude hollenei und Elske Hinrichs aus Scharrel


Dät lääsde Eepen Huus fon Seelterlound fon Mareike Deddens uut ju Tied uum dät Jier 1800 stuud in Hollenerfoan. Dät is in do Jiere 1952-1954 oubreeken un in dät Museumstäärp in Kloppenbuurich wier apbaud.

Hollebierich[Beoarbaidje | Quelltext bearbeiten]

Hollebierich (düütsk: Holleberg) is n grooten Gestrich in Hollenerfoan. Dät sünt Soundhövele, do mäd hooge Boome un Struuke bewoaksen sünt. Där is fuul Sound wächfiert wuuden, moan suudelk un noudelk fon dän Hollener See, die in dät Gebied lait, sünt noch n poar groote Fläächen uurich blieuwen. Dät is n fluggen Woold- un Loundskupsgebied. Truch Hollebierich gungt ju Sträite Hollebierich (düütsk: Holleberg).

Skoule[Beoarbaidje | Quelltext bearbeiten]

Hollenerfoan hiede siet 1818 ne oaine katoolske Skoule mäd aan Klasse un eerste 25 Sköilere. 1882 wuud deer ne näie Skoule, uk wier mäd aan Klasse, baud. Ju kostede 2.284,41 Mark, wierfon die Stoat 900 Mark betoalt häd. 1909/10 wuud deer ne grattere Skoule mäd aan Klasse baud. Ju kostede 16.875 Mark, wierfon die Stoat 9.000 Mark betoalt häd. 1946 wuud ne twadde Klaase anbaud foar 34.500 DM. Ju Skoule wuud ap n 1.8.1967 sleeten.

Dät Gebäude wuud ferkooped un stound deer däälich noch.

Do Koastere fon ju Skoule wieren:

Laitenge:

  • 1834: Bernhard Surmann
  • 1835: Josef Enke
  • 1840 - 1886: Wilhelm Arens
  • 1886 - 1893: Fortmann
  • 1893 - 1900: Johannes Meyer
  • 1900 - 1906: Osterkamp
  • 1906 - 1915: Josef Diersen
  • 1915 - 1921: Fertreedenge: Ansmann, Zumbrägel, Freking, Sieverding
  • 1921 - 1923: Theodor Block
  • 1924 - 1925: Karl Dänekamp
  • 1925 - 1925: Aloys Nienaber
  • 1928 - 1934: Aloys Tepe
  • 1934 - 1938: Johann Hagen
  • 1938 - 1940: Franz Nemeding
  • 1940 - 1950: Josef Bünger
  • 1950 - 1967: Heinrich Müller

2. Koaster:

  • 1939 - 1946: Katharina Eilers
  • 1947 - 1955: Edgar Fichner
  • 1955 - 1961: Josefa Deeken
  • 1961 - 1966: Maria Bokern

Bedrieuwe[Beoarbaidje | Quelltext bearbeiten]

  • Reinaerdt Türen GmbH, Koppelweg (eerder Siemer un Espeter)
  • Ferskäidene Hondwierksbedrieuwe

Wällen[Beoarbaidje | Quelltext bearbeiten]

  • Franz Dwertmann: Das grosse Sterben der kleinen Schulen, Vechtaer Druckerei und Verlag, 1984, ISBN 3-88441-025-3
 
Täärpe un Buurskuppe in Seelterlound
Woapen fon Seelterlound

Täärpe
Roomelse | Skäddel | Strukelje | Seedelsbierich
Buurskuppe
Baalenje | Bäätholt | Bieuwelte | Boukeläsk (Klaaster) | Fäärmesound | Hällene I + II | Heeselbierich | Hollen | Hollenerfoan | Hollenbround | Idafeen (bit 1974) |
Knülke (Skillup) | Loanghoarst | Siedlenge Muddebierich | Näiskäddel (bit 1974) | Näiwal | Roomelse-Aast |
Roomelse-Wääst mäd Hoogebierich, Häärst un Raake | Seedelsbierich-Kolonie | Skäddelerdom | Strukelje-Wääst | Ubbehusen | Uutände | Wietsound

 
Loundskuppe un Woater in un uum Seelterlound
Woapen fon Seelterlound

Loundskuppe
Aastfoan | Wäästfoan | Maiglöckchenwoold | Hollebierich | Loanghoarster Iesk | Seelter-Äi-Paad | Klaasterbusk | Woolde in Seelterlound | Swonnebiergerfoan
Woater
Hollener See | Maiglöckchensee | Idasee | Stickisee | Seelter Äi mäd Seelter-Äi-Paad | Kustenkanoal | Elisabethfeenkanoal | Uutändjer Kanoal | Leda | Jümme