Sixtus Schröer

Uut Wikipedia
Wikselje tou: Navigation, Säike (08)
Schröer.jpeg

Sixtus Schröer ("Sikke" Schröer) (bädden dän 22. April 1915, stuurwen dän 08. Februoar 1995, Baalenje) waas Buur, Architekt un Meentepolitiker fon CDU un (Wählergemeinschaft Saterland) in ju Meente Strukelje. Hie waas fon 1954 - 1974 Buurmäster fon ju oolde Meente Strukelje un deermäd die lääste Buurmäster fon Strukelje. Hie häd oarich fuul foar de Meente Strukelje un dät Seelterlound däin un was aan fon do bekoandste Moanskene in Strukelje, Seelterlound un dän gansen Loundkring Kloppenbuurich. In Strukelje is ju Sträite "Bürgermeister Schröer-Straße" ätter him naamd.

Uut sien Lieuwend[Beoarbaidje | Quelltext bearbeiten]

Sixtus Schröer häd "Klempner- und Installateur" leerd. Hie wuude leeter "Ingenieur" un Koaster an ju "Meisterschule für Elektrotechnik in Bremen". Truch dän Dood fon sin Bruur, die der Buur waas, in dän Twäiden Waareldkriech geen hie weer tourääch ätter ju Buuräi fon sien Oolden in Baalenje.

Hie was Meeglid in dät "Kuratorium des St. Michaelstiftes Bollingen" un died aktief mee bie dän Apbau un Uutbau fon dät "Altenheim St. Michaelstift" in Baaljene. Sixtus Schröer was intwiske uk "Architekt" wuuden. In do 1960-er Jiere died hie mee bie ju "Flurbereinigung des Wester- und Ostermoores". Hie hoalde fuul Bedrieuwe ätter Strukelje wai un suurgede so foar ju Industrialisierenge in de Meente Strukelje. Hie suurgede deerfoar, dät do Meenten fon Seelterlound bie dän "Oldenburgisch – Ostfriesischen Wasserverband" ansleeten wuuden un suurgede foar dän Apbau fon dät "Ferienhausgebiet Sonnenau“ an de Seelter Äi in Strukelje. 1976 gjuchte hie dän "Orts-und Verkehrsverein Strukelje" ap, däälich ju "Bürgerverein Strukelje". Hie waas loange Tied Meeglid fon ju CDU un gjuchte leeter ju "Wählergemeinschaft Strukelje" ap.

Hier is 'n litjen Uursicht uur sien eepenbeere Oarbaid:

  • 1952 Meeapgjuchter fon dän oolde Seelterbuund fon 1952 un Meeglid fon dän Tweelwerräid
  • 01.12.1948 - 01.03.1974 Meeglid in dän Meenteroad fon Strukelje
  • 01.03.1974 - 31.10.1991 Meeglid in dän Meenteroad fon Seelterlound
  • 26.04.1954 - 01.03.1974 Buurmäster fon Strukelje
  • Moor as 40 Jiere Meeglid fon dän "Kreistag" fon dän Loundkring Kloppenbuurich
  • Meeglid fon ju "Gemeinnützige Wohnungsbaugesellschaft" fon dän Loundkring Kloppenbuurich
  • Meeglid in dät "Kuratorium des St. Michaelstiftes Bollingen"
  • Meeglid fon dän "Umlegungsausschuss Flurbereinigung des Wester- und Ostermoores"

Unnerskeedengen[Beoarbaidje | Quelltext bearbeiten]

  • „Verdienstkreuz am Bande des Verdienstordens der Bundesrepublik Deutschland“ (1972)
  • „Großer Wappenteller“ fon ju Meente Seelterlound
  • „ Große Verbandsurkunde des Niedersächsischen Städte und Gemeindebundes“
  • „Ehrenzeichen in Gold“ fon dän Deutscher Caritasverband

Wierke[Beoarbaidje | Quelltext bearbeiten]

Hie skreeuw dät Tjooterstuk

oldwikisource Wikisource: Ju Struckeljer näije Broundspritze – Wällensammelenge

Sjuch uk[Beoarbaidje | Quelltext bearbeiten]