Seelter Äi
Uut Wikipedia
Ju Seelter Äi (düütsk Sater Ems) bildet sik uut do Touflusse Marka un Oaje, do bienunner kuume bie Aajesbusk, wier nu dät Kustenkanoal lapt. Ju lapt dan fon dät Suude ätter dät Noude truch ju ganse Laangte fon Seelterlound, wier ju dät Woater uut de Foan apnimt, tou Deel truch ju Leetse Toachte.
Ju Seelter Äi häd n Iensuchsgebiet fon 280 km2, as ju in dät Noude mündet in de Leda. Truch Oamse un Leda kuuden Äbbe un Floud sik bit Roomelse foutsätte. Foarallen in dät Noude kuud deertruch fuul Lound unner Woater loope.
Ju Äi waas loange ju Lieuwensäddere fon Seelterlound un waas schipboar bit Ällerbrouk. So bildede ju n gouden Wai foar Honnel un Schipfoart foar litje Boote.
