Bäätholt

Die Krätseldoabe, 1952. Deer gungt däälich ju B72 loangs

Ju Skoule mäd Sköilere un Koaster Josef Sieverding, 1925

Bäätholt (düütsk: Bätholt) is ne Buurskup fon Skäddel.

Loage[Beoarbaidje | beoarbaidje Wältext]

Bäätholt lait wäästelk Skäddel, suudelk fon Hollenbround und noudelk fon Heeselbierich. Wäästelk fon Bäätholt läit die Wäästfoan. Truch Bäätholt gungt ju Wäästfoansträite (Westermoorstrasse).

In Bäätholt lääse die Maiglöckchenwoold un die Maiglöckchensee.

Geskichte[Beoarbaidje | beoarbaidje Wältext]

Ticheläi[Beoarbaidje | beoarbaidje Wältext]

Deer waas ju Skäddeler Ticheläi twiske dät Täärp Skäddel un Bäätholt. Ju Leemdoabe, wier ju Ticheläi dän Leem wächfierde, lait in Bäätholt.

Skoule[Beoarbaidje | beoarbaidje Wältext]

Bäätholt hied fon 1920-1969 ne oaine katoolske Skoule. Ju Skoule wuud 1920 baud, uum dät tou betoaljen häd ju Meente Skäddel hiere Määlne foar 35.000 Mark an Wilhelm Hanekamp ferkooped. Ju Skoule hied eene Klasse. Ju Skoule waas n kultureel Säntrum in ju Buurskup un Koaster Tabeling gruundede deer n Trummel- un Floitenkoor.

Fon 1940 - 1950 waas ju Skoule sleeten un do Bäidene geenen ätter ju Skoule in Skäddel. Ätter dän 19.1.1950 waas deer dan wier Unnergjucht in Bäätholt mäd 40 Sköilere.

Ju Skoule wuud ap n 1.8.1969 sleeten un ferkooped. Ju stoant deer däälich noch.

Do Koastere wieren:

Laitenge:

1920 - 1930: Josef Sieverding
1930 - 1935: Karl Tabeling
1935 - 1940: August Krapp
1940 - 1950: ju Skoule waas sleeten
1950 - 1953: Rudolf Kemmerich
1953 - 1960: Kurt Löwe
1960 - 1968: Alois Hoheisel
1968 - 1969: Elisabeth Glende (Fertredenge)

Soage fon ju Skäddeler Klokke in dän Krätseldoabe[Beoarbaidje | beoarbaidje Wältext]

Dän Krätseldoabe waas n Woaterpoul ieuwenske dän Maiglöckchenwoold, deer wier nu ju Sträite B72 lapt. Dät rakt deer ne oolde Soage uur ju Skäddeler Säärkenklokke, do ju Mansfälder Suldoaten in dät 17. Jierhunnert klaue wüülen un do ju Skäddeler deeruum in dän Krätseldoabe ferstopped hieden. Wät deerfon weer is, kon man nit moor uutfiende.