Hollen

Uut Wikipedia
Wikselje tou: Navigation, Säike (08)

Hollen is ne Buurskup fon Roomelse.

Loage[Beoarbaidje | Quelltext bearbeiten]

Hollen lait suudelk fon Roomelse un aastelk Hollenbround. In dät Noudaaste un Aaste lait ju Buurskup Hollenerfoan, in dät Suudaaste lait ju Hollener See aastelk fon ju Seelter Äi in dän Gestrich Hollebierich fon Hollenerfoan.

Geskichte[Beoarbaidje | Quelltext bearbeiten]

Ju Hollener Molkeräi, 1908
Ju Hollener Skoule uum 1950

Ju Buurskup Hollen is wäil aan fon doo ooldste Siedlungen in Seelterlound un fillicht hääbe där do eerste Seelter woond. Wäil in Hollen di eerste Blok wäil woond häd, die immer in ju Soage fon Seelterlound naamd wäd: Blok, Awick un Käärkhof. Deertou waas uk in Hollen ne litje Säärke un Kapälle un ju groote Buurich.

In Hollen roate dät ju "Libby" Molkeräi. Ju stuud ieuwenske dät Skeed twiske Roomelse un Hollen, juust ieuwen uur dän Iersenboan ap Noune Tuun, an ju Hauptsträite ap ju Steede wier so'n 20 Jiere die "Combi-Markt" stuud. Där is nu ju Firma "Heizungsbau Drees". Dät Gelände heerd däälich tou dät Täärp Roomelse.

Skoule[Beoarbaidje | Quelltext bearbeiten]

Hollen hied fröier ne oaine katoolske Skoule. Al in dät Jier 1814 wüülden do Hollener ne oaine Skoule hääbe. Dät wüülden do Roomelster Koastere oawers nit, wäil se dan blood n hoolich Deel fon dät Skouljield kriegen hieden. Där truch duurde dät noch bit 1859, bit truch ju näie "Schulacht Hollen" ne Skoule foar do Bäidene uut Hollen un Hollenbround iengjucht wuude. Ju eerste Hollener Skoule wuud dan 1895 truch Gerd Vogt un Johannes Schmidts uut Skäddel baud. 1910 wuud ne näie Skoule mäd aan Klasse baud, un 1937 ap two Klassen un 1951 ap tjo Klassen fergrattert.

Siet 1966 waas dät ju Gruundskoule Hollen mäd 56-66 Bäidene. Ju Gruundskoule Hollen wuud ap n 1.8.1970 aplöösed. Ju Skoule wuud dan noch ätter dän 1. August 1977 fon ju Gruundskoule in Roomelse nutsed.

Ju Skoule is ferkooped.

Do Koastere wieren:

Laitenge:

  • 1859 - 1860: Aumann
  • 1860 - 1878: Westendorf
  • 1878 - 1909: Elenterius Busch
  • 1909 - 1917: Zubrägel
  • 1917 - 1919: Ferskäidene Fertreedenge
  • 1919 - 1921: Diersen
  • 1921 - 1933: Theodor Block
  • 1933 - 1944: Engelbert Behrens
  • 1945 - 1970: Walter Deeken

2. un 3. Koaster:

  • Clemens Sieverding
  • Bernard Thomann
  • 1937 - 1945: Hermann Beckmann
  • 1946 - 1948: Hildegard Schrammeck
  • 1947 - 1954: Klara Siemer
  • 1948 - 1953: Kurt Löwe
  • 1953 - 1957: Leonard Englich
  • 1954 - 1967: Hildegard Ginella
  • 1968: Elisabeth Glende
Ju Wiendmäälne in Hollen
Die Hollener See, bääte Hollebierich

Wiendmäälnen[Beoarbaidje | Quelltext bearbeiten]

  • Gans fröier hieden do Roomelster un Skäddeler touhoope al ne Wiendmäälne, ju stuud twiske Hollen un Skäddel ap Läiwerkekomp. Ätters wier där ne Määlne fuul wäästelker unner Wiltekomp un is deer oubaadend. Ap ne Koarte fon 1588 wier al ne Määlne ienteekend.
  • Ju Schoofsche Wiendmäälne, n Galeriehollounder uut dät Jier 1900, ju där däälich in Hollen stount, is 1999 renoviert wuuden un is noch in Bedrieuw. Ju kon nit besichtiged wäide. Die Oainer is Enno Schoof.

Bekoande Ienwoonere[Beoarbaidje | Quelltext bearbeiten]

  • Heinrich Eilers, Buurmäster fon ju Meente Roomelse fon 1964-1974

Bauwierke[Beoarbaidje | Quelltext bearbeiten]

  • Schoofsche Wiendmäälne

Woater un fräie Tied[Beoarbaidje | Quelltext bearbeiten]

Bedrieuwe[Beoarbaidje | Quelltext bearbeiten]

Ferskäidene Hondel- un Hondwierksbedrieuwe

Wällen[Beoarbaidje | Quelltext bearbeiten]

  • Franz Dwertmann: Das grosse Sterben der kleinen Schulen, Vechtaer Druckerei und Verlag, 1984, ISBN 3-88441-025-3


Bielde[Beoarbaidje | Quelltext bearbeiten]

 
Täärpe un Buurskuppe in Seelterlound
Woapen fon Seelterlound

Täärpe
Roomelse | Skäddel | Strukelje | Seedelsbierich
Buurskuppe
Baalenje | Bäätholt | Bieuwelte | Boukeläsk (Klaaster) | Fäärmesound | Hällene I + II | Heeselbierich | Hollen | Hollenerfoan | Hollenbround | Idafeen (bit 1974) |
Knülke (Skillup) | Loanghoarst | Siedlenge Muddebierich | Näiskäddel (bit 1974) | Näiwal | Roomelse-Aast |
Roomelse-Wääst mäd Hoogebierich, Häärst un Raake | Seedelsbierich-Kolonie | Skäddelerdom | Strukelje-Wääst | Ubbehusen | Uutände | Wietsound

 
Bauwierke in Seelterlound
Scharrel Windmühle.JPG

Säärken
Skäddel | Roomelse | Strukelje | Seedelsbierich
Määlne
Skäddel | Hollen
Uur
Seelterfräisk Kultuurhuus | Klaaster Boukeläsk | Marine-Seender Roomelse

 
Loundskuppe un Woater in un uum Seelterlound
Woapen fon Seelterlound

Loundskuppe
Aastfoan | Wäästfoan | Maiglöckchenwoold | Hollebierich | Loanghoarster Iesk | Seelter-Äi-Paad | Klaasterbusk | Woolde in Seelterlound | Swonnebiergerfoan
Woater
Hollener See | Maiglöckchensee | Idasee | Stickisee | Seelter Äi mäd Seelter-Äi-Paad | Kustenkanoal | Elisabethfeenkanoal | Uutändjer Kanoal | Leda | Jümme