Eepen Huus

Uut Wikipedia
Wikselje tou: Navigation, Säike (08)
N gratter eepen Huus fon Eende 17.Jh., fröier bie Hollen(Bielde uum 1890)
N litjer eepen Huus (Bielde uum 1890)
Eepen Huus mäd Noomen fon do Paate.
Twäärstruchsnit fon dät Eepene Huus.

Dät Eepene Huus waas die oolde seelter Huustyp un wude deeruum uk Oold Seelter Huus naamd. Deerbie woonden do Ljuude touhoope mäd do Bäiste in aan Ruum, wan jo uk toun Släipen un Spinnen un sowät apaate Ruume hieden. Die grattere Typ hied al uum 1890 steenene Muuren, man do litjere hieden noch kloamde Woogen uut Fäkwierk, apfäld mäd Leem un Sträi. Dät hied Ferbiende mäd Onkerboolken.

Geskichte[Beoarbaidje | Quelltext bearbeiten]

“Toufoarne hieden se as do oolde Seelterljuude wierene, aal een Soart Huuse. Man ätter dän groote Bround, die in t Jier [18]eenuntwintich fuul Huuse in Skäddel in Ääske broachte, do hääbe se sik gans ferbaud. Un fuul hääbe deerätter hiere Huuse ap n uur Wiese baud, wierfon ätters de Rääde weese skäl. Toueerst wo wie do oolde Huuse beskrieuwe, do uk wäil eepene Huuse heete.” Minssen, M3:121S (1846).

Bit in do 1930er Jiere mout et do fuul roat hääbe, man dan baadende dät oafte, as mie fertäald wuude. Toulääst waas bloot dät Deddens Huus in Hollenerfoan uut ju Tied uum dät Jier 1800 noch uurich, wät dan in de Jiere 1952-1954 oubreeken wuude un fon dät Museumstäärp in Kloppenbuurich ankooped is. Deer is dät "Saterhaus" in 1955/1956 wier apbaud wuuden.

Bie aan fon sien Besäike in't Seelterlound is die wäästfräiske Botaniker un Koaster Dr. J. Botke in dät Jier 1931 uk bie Maräike Deddens in hiere Eepene Huus in Hollenerfoan weesen. Uur sin Besäik is n litje Bouk "Sealterlân" in ju wäästfräiske Määmetaal fon Dr. Botke ärskienen. In dät Bouk is uk ne flugge Beskrieuwenge fon dät Eepene Huus tou fiende.

Noomen fon do Paate[Beoarbaidje | Quelltext bearbeiten]

Ätter Bröring, Minssen, Ottenjann, Siebs.
Bie dän Loangssnit: Bäädsteede pl., Bäistesoole m., Balkgat n., Boolken pl., Boolkholt n., Doarhoake m., Doorangel m., Doorboolke m., Doorsoole m., Dräppel m., Fäk n., Floor m., Flötboolke m., Foutbeen m., Frääst m., Fröst m., Fuurschäddel m., Fuurschöätel m., Grootdoore f., Hänge f., Hannegat n., Hom m., Homstokke pl., Hookoomere f., Huuslatte f., Huusponne f., Jachtbeend n., Klappe f., Klinke f., Kuustaalsboolke m., Lippe f., Muure f., Muurploate f., Oaiegat n., Oatjegat n ., Ploanketoal m., Riem m., Schöätel m., Släägel m., Speerwierk n., Spon n., Sponstok m., Steekbeend n., Stonner m., Sweepe f., Swiepestok m., Toake f., Truchschäärenge f., Uulegat n., Wooge f.

Bie dän Twäärssnit: Aploanger m., Bäistesoole m., Balkgat n ., Been m., Boolk(e)gat n., Boolke m., Boolkholt n., Dokken pl., Ferbiend n., Fjauerkaant n., Fleeke pl., Frääst m., Fröst m., Funnemänt n., Fuurschäddeldräppel m., Heede., Hielde f., Hieldeboolke m., Hooneboolke m., Huuslatte f., Ientäil m., Jachtbeend n., Muurploate f., Muurstrang m., Ouker n., Ouse m., Riegen Ponnen pl., Rim n., Siedemuure f., Sim m., Soole m., Speer n., Speerwierk n., Spon n., Sponstok m., Steekbeend n., Stonner m., Sträi, Uutkäbbenge f., Wällernbeen m., Wooge f.

Sjuch uk[Beoarbaidje | Quelltext bearbeiten]