Seelter Äi

Uut Wikipedia
Seelter Äi, 1931
Ju näie Brääch fon dät Seelter-Äi-Paad uur ju Seelter Äi bie Roomelse
1958: Ju Seelter wäd twiske Skäddel un Seedelsbierich liek moaked

Ju Seelter Äi (düütsk Sater Ems) bildet sik uut do Touflusse Marka un Oaje, do bienunner kuume bie Aajesbusk, 200 Meeter suudelk fon dät Kustenkanoal. Ju lapt dan mad n Düüker unner dät Kustenkanoal truch un dan fon dät Suude ätter dät Noude truch ju ganse Laangte fon Seelterlound, wier ju dät Woater uut de Foan apnimt, toun Deel truch ju Leetse Toachte.

Ju Seelter Äi häd n Iensuchsgebiet fon 280 km2, as ju in dät Noude mündet in de Leda. Truch Oamse un Leda kuuden Äbbe un Floud sik bit Roomelse foutsätte. Foarallen in dät Noude kuud deertruch fuul Lound unner Woater loope.

Ju Äi waas loange ju Lieuwensäddere fon Seelterlound un waas skipboar bit Ällerbrouk. So bildede ju n gouden Wai foar Honnel un Skipfoart foar litje Boote. In Struukelje un Baalenje wieren fröier ne ganse Riege Hälgen loangs ju Seelter Äi.

1958 wuud ju Seelter Äi fon Seedelsbierich bit Skäddel liek moaked, ju Laangte geen deertruch fon 13 km ap 6 km tourääch. Twiske Baalenje un Roomelse, wier dät Lound loangs ju Äi fröier un aleer oafte unner Woater stuud, häd ju Äi in do lääsden Jiertande n Diek kriegen.

Loangs ju Seelter Äi fon Baalenje bit Seedelsbierich lapt siet 2010 dät Seelter-Äi-Paad.

Marka en Oaje loope touhoope as Seelter Äi ap dät Woapen fon Näiskäddel

Sjuch uk[Beoarbaidje | beoarbaidje Wältext]

Ferbiendenge ätter Buten[Beoarbaidje | beoarbaidje Wältext]

 
Loundskuppe un Woater in un uum Seelterlound
Woapen fon Seelterlound

Loundskuppe
Aastfoan | Wäästfoan | Maiglöckchenwoold | Hollebierich | Loanghoarster Iesk | Seelter-Äi-Paad | Klaasterbusk | Woolde in Seelterlound | Swonnebiergerfoan
Woater
Hollener See | Maiglöckchensee | Idasee | Stickisee | Seelter Äi mäd Seelter-Äi-Paad | Kustenkanoal | Elisabethfeenkanoal | Uutändjer Kanoal | Leda | Jümme