Liesbetfeenkanoal

Uut Wikipedia
(Fäärelaited fon Elisabethfeenkanoal)
Eepene Iersenboanbrääch bie Liesbetfeen
Ju Slüüse bie Aasterhusen
"Oldenburger Moor-Dampfer" bie dän Bau fon dän "Hunte-Oamse-Kanoal" bie Kampe

Die Liesbetfeenkanoal, düütsk Elisabethfehnkanal, is n Kanoal twiske Kampe un Roagebierich. Dät is ju noud-wäästelke Ferlaangerenge fon dän fröieren Hunte-Ems-Kanoal, die der bit Kampe geen un däälich die Kustenkanoal is. Die Kanoal häd ne Ferbiendenge mäd dän Kustenkanoal un lapt bie Roagebierich in ju Seelter Äi un Leda. Deertruch is deer n Woaterwai twiske ju Hunte bie Ooldenbuurich, ju Leda un ju Oamse bie Lier.

Bau[Beoarbaidje | beoarbaidje Wältext]

Die Liesbetfeenkanoal wuud fon 1855 bit 1880 baud un lapt fon dän Küstenkanoal bie Kampe truch Kamperfeen, Reekenfäld un Liesbetfeen bit tou ju Seelter Äi bie Roagebierich.

Die Kanoal[Beoarbaidje | beoarbaidje Wältext]

Die Kanoal is anlaid as Feenkanoal fon dän Aastfoan. 1880 is deer Elisabeetfeen äntsteen. Die Kanoal häd ne Bratte fon 13,50 Meeter un is bit 1,20 Meeter djoop. Hie waas uursproangelk anlaid foar Skiepe bit 40 Tonnen mäd ne Laangte fon 20 Meeter, ne Bratte fon 4,50 Meeter un n Djoopgong fon 1,20 Meeter. Truch dän Slik is hie däälich man foar Skiepe bit 0,90 Meeter Djoopgong befoarbor.

Die Kanoal häd 4 Slüüsen foar Skiepe bit ne Laangte twiske 21,20 Meter un 27,60 Meeter un ne Bratte twiske 4,65 Meeter un 5,50 Meeter. Do Slüüsen sunt in Reekenfäld, Brandreeken, Liesbetfeen un Aasterhusen. Deer loope 7 Klapbräägen uur dän Kanoal. Die Kanoal häd ne Laangte fon 14,80 Kilomeeter.

Nutsenge[Beoarbaidje | beoarbaidje Wältext]

Bit tou dät Eende fon dän twäide Waareldkriech fierden deer Skiepe mäd Eed uur dän Kanoal. Siet do 1960er Jiere wääd deer fuul Sportskipfoart bedrieuwen.

Die Liesbetfeenkanoal is Deel fon dät aastfräiske Kanoalnät. Uur ju Leda, Jümme un dän Nordgeorgsfeenkanoal kon me tou dän Ems-Jade-Kanoal fiere und dan faäre bit Aurk, Oamde af Wülmshoawen.

In ju Haudsaison wäide do Slüüsen un Klappbräägen wätseldeeges uum 7.30 Uure un 12.00 Uure un Sundais un an Fierdeege uum 8.00 Uure betjoond. Sportboote mouten an ju eerste Brääch af lääste Slüüse taiwe. Die Betjooner fiert dän mäd n Auto loangs dän Kanoal un betjoont do Slüüsen un eepent do Brääge. Buute ju Saison mout ne Betjoonenge anmälded wäide.

Literatuur[Beoarbaidje | beoarbaidje Wältext]

  • M. Eckoldt (Hrsg.), Flüsse und Kanäle, Die Geschichte der deutschen Wasserstraßen, DSV-Verlag 1998
  • Zeitschrift Binnenschifffahrt, Supplement Oktober 2010: 75 Jahre Küstenkanal

Weblinks[Beoarbaidje | beoarbaidje Wältext]

 
Loundskuppe un Woater in un uum Seelterlound
Woapen fon Seelterlound

Loundskuppe
Aastfoan | Wäästfoan | Maiglöckchenwoold | Hollebierich | Loanghoarster Iesk | Seelter-Äi-Paad | Klaasterbusk | Woolde in Seelterlound | Swonnebiergerfoan
Woater
Hollener See | Maiglöckchensee | Idasee | Stickisee | Seelter Äi mäd Seelter-Äi-Paad | Kustenkanoal | Elisabethfeenkanoal | Uutändjer Kanoal | Leda | Jümme