Maiglöckchenwoold

Maiglöckchenwoold un -see, Bielde: Th. Deddens

Boaden bie dän Maiglöckchenwoold in ju Seelter Äi, 1950

Dän Krätseldoabe, 1952. Där gungt däälich ju B72 loangs

Die Maiglöckchenwoold (düütsk: Maiglöckchenwald) is n Woold wäästelk Skäddel. Diräkt ieuwenske dän Woold läit die Maiglöckchensee. Dän Noome häd die Woold wäil därfon dät deer fröier fuul Moaiklokjes wuuksen.

In dän Woold sunt oarich hooge Soundbierge, ju mäd groote Boome bewuksen sunt. Fröier genen do Skäddeler Bäidene winterdais altied mäd hiere Slee in dän Woold un fierden därmee do Bierge deel.

Krätseldoabe

Dän Krätseldoabe was n Woaterpoul ieuwenske dän Maiglöckenwoold, deer wier nu ju Sträite B72 lapt. Dät raakt deer ne oolde Soage uur ju Skäddeler Säärkeklokke, do ju Mansfälder Suldoaten in dät 17. Jierhunndert klauen wüülden un ju ju Skäddeler däruum in dän Krätseldoabe ferstopped hieden. Wät derfon woar is, kon mon nit moor uutfiende.

Främdenferkier

Dät Gebiet is interessant foar Urloowere un Baodegaste. Där stounde sanitäre Iengjuchtenge. Ieuwenske dän Maiglöckchenwoold un -see is siet 2004 die Skäddeler Ställplaats foar Raisemobile.

Ferwiesenge

• Ju Skäddeler Klokke in dän Krätseldoabe
• Ju Skäddeler Klokke in dän Krätseldoabe as Audio-Doatei