Wikipedia:Wät is Wikipedia nit?

Uut Wikipedia
Wikselje tou: Navigation, Säike (08)

Wikipedia is n Projekt toun Apbau fon n Enzyklopädie un kon deeruum bestimde uur Dingere nit weese. Uum dät bie dät Schrieuwen fon Artikkele in Reekenge luuke tou konnen, sunt do falske Dingere hier apfierd.

1. Wikipedia is neen Woudebouk. In Artikkele schällen Begriepe ärkläärd wäide un fielicht Froamdwoude, man neen gewöönelke seelter Woude. Deerfoar kon me n besunner Projekt Wiktionary iengjuchte.

2. Wikipedia tjoont nit ju Theoriefiendenge, man ju Theoriedeerstaalenge. Also neen näie Theorien, neen näie Begriepe un neen uunbelaide Uutsproaken, man bloot bekoand Wieten.

3. Wikipedia is neen Steede foar Propaganda, Wierwenge un Baaleräie. Artikkele schällen n näitroalen Standpunkt iennieme un kontroverse Seeken schällen kloor dokumentierd wäide

4. Wikipedia is neen Steede foar persöönelk faawede Essays of Fan-Sieden. Artikkele schällen seekelk, objektiv un in enzyklopädisken Stiel schrieuwen weese. Wiergoawe fon Honnelengsferlööpe (Literatuur, Filme, Computerspiele) schällen stäärk touhoopefoatjend un seekelk weese.

5. Wikipedia is neen algemeen Diskussionsforum un naan Chat-Ruum. Artikkeldiskussionssieden tjoonje ju Ferbeeterenge fon Artikkele, mit dät Fieren fon Debatte uur dän Inhoold fon dän Artikkel.

6. Wikipedia is naan Webspace-Provider un naan Ärsats foar ne oaine Website. Benutsersieden fon Wikipedioaner schällen ju Oarbaid an ju Enzyklopädie tjoonje.

7. Wikipedia is neen Doatenboank. Foar groote Massen strukturierde Doaten as Telefonbouke, Bibliographien, Linkferteeknisse, Adräsferteeknisse usw. is n Doatenboank mäd eenpeld truchtousäiken Fäildere un Doatentype düütelk ne beetere Woal. Wikipedia is neen Sammelenge fon Wällen. Allerhound Dokumente schällen bloot as Paat fon n Artikkel apnuumen wäide. Foar fräie Texte kon dät Wikisource reeke, foar Zitoatsammelengen Wikiquote.

8. Wikipedia is neen Ättergjuchteportoal of Feranstaltengskalänner.

9. Wikipedia is neen Gebruuksanwiesenge of Räidreeker. Foar Leerbouke rakt dät Wikibooks.

Touhoopefoated fon [1]