Wikipedia:Wät is Wikipedia

Bruuksounwiesenge

• Näie Benutsere
  • Ounmäldje as Benutser
  • Wät is Wikipedia
  • Wät is Wikipedia nit
  • Ju Programmasproake
  • Spielsteede
• Woudeliesten
• Wikipedia ferbeeterje
  • Sieden ätterkiekje
  • Kriterien gouldene Artikkel
  • Kuute Artikkele
• Wonskede Artikkele
  • Foarsleek fon aan Jiersploan
  • Wäkke Artikkele 't reeke skäl
• Administratore

Weerskup - Portoal - Liesten un Tabellen

Ju Wikipedia is ne Enzyklopädie, ju nit fon ne fääste, betoalde Redaktion, man fon fräiwillige Autore ferfoated wäd. Die Noome Wikipedia sät sik touhoope uut Wiki, dät hawaiianiske Woud foar "gau", un Enzyklopädie. N Wiki is n Website, wierfon älkuneen do Sieden licht un sunner techniske Foarkäntnisse fluks in sien Browser annerje kon.

Ju seelter Wikipedia, is mäd juust 10.809 Sieden un 4.128 fulle Artikkele man gans littek juunuur ju düütske ju bienaist 1.800.000 Artikkele häd un ju ängelske mäd uur 4.600.000 Artikkele un sogoar juunuur ju wäästfräiske mäd moor as 30.000 Artikkele (Artikkeltaale ap n 14. Juli 2014). Man dät rakt uk fuul litjere, do daach al dän offizielle Stoatus hääbe. Sjuch ju Lieste fon Wikipedien un fon uur litje Wikipedien.

Uurs as gewöönelke Enzyklopädien is ju Wikipedia fräi. Dät rakt hier bloot kostenloos in dät Internet, man älk duur hier mäd Angoawe fon do Wällen un fon do Autore fräi kopierje un ferweende. Deerfoar suurget ju GNU-Lizenz foar fräie Dokumente, unner ju do Autore hiere Texte publizierje.