Uutände

Uut Wikipedia
Zur Navigation springen Zur Suche springen
Dät lääsde Muttskip fon ju Hällenge fon Conrad Schulte, 1926
Conrad Schulte, uum 1930
Ju Smiede Dannebaum mäd Stephanus Dannebaum (midden), sien Määme Wilhelmina un dän Gesälle Theodor Pastor, 1930er Jiere
Dät Hotel "Zur freien Aussicht" uut 1901 is in n Kriech oubrand (Bielde fon 1920)

Uutände, düütsk Utende is ne Buurskup fon Strukelje. Ju lait wäästersiede Äi un noudelk fon dät Uutändjer Kanoal. Noudelk fon Uutände lait Klaaster. In dät Middeloaler waas Utände dät Säspeltäärp fon dät hüüdige Strukelje.

Noome[Beoarbaidje | Quelltext bearbeiten]

Ne Uurkunde fon 1359 boalt fon Beernt Swartewoldt, kerckheer (Pestoor) to Uthende. Die Noome lät sik goud ärkläärje as 'Uuteende fon Seelterlound, foarallen wan me do wiede Uurswimmengsgebiete (Tjoomelge) noudelk deerfon in Betracht nimt. Foar sun oolden Noome lät dät oawers n bitje tou truchsichtich. Fielicht kon me dan Neuende bie Wilhelmshoawen ferglieke, dät fröier Ennede, Innede hiet un deermäd n ithi-Noome uut dät eerste ätterkristelke Jierhunnert deerstoalt.

Säärke[Beoarbaidje | Quelltext bearbeiten]

Där is al ju Sproake fon ne Säärke in Uutände in dät Jier 1359. Bit tou dät 16. Jierhunndert hied dät Säärkspeel noch dän Noome Uutände. Ne näie Siedlenge uum ju Säärke kreech dan dän Noome Strukelje.

Hälgen[Beoarbaidje | Quelltext bearbeiten]

Wier die Uutäntjer Knoal in e Äi gungt, hiede Twäis Siks (Schulte) hiere Hällenge. Do hääbe bit uum 1940 hiere Hällenge noch in Bedrieuw häiwed. Die lääsde Oainer waas Conrad Schulte.

Un deer stuuf ieuwenske waas uk noch ne Hällenge un dät waas fon Lout sien Wänte fon Baalenje, Lout sin Jan (Johann Jansen).

Dan waas där noch Dumains Hällenge. Ju liech in Uutände an de Häddenkebucht an e Äi. Oaber do hääbe sik fröier moal uurdäin un do hääbe se him tou n Konkurs drieuwen. Jo hääbe ju Fersicherenge wäil nit goud genouch häiwed. Die baude wuddelke Träimäst-Skuunere in 1870-‘90, do Jiere. Dät wieren gjucht faine groote Sailskiepe.

Smiede mäd Woainmoakeräi[Beoarbaidje | Quelltext bearbeiten]

Uum 1890 wuud in Uutände ne Smiede un Woainmoakeräi fon Hermann Dannebaum gruundet. Ätter sien Dood häd sien Suun Stephanus Dannebaum dän Bedrieuw 1920 uurnuumen.

Määlne[Beoarbaidje | Quelltext bearbeiten]

Dät Unnerstuk fon ju Uutändjer Määlne stoant noch ap de Bäirch, aastelk fon t Täärp. Deer liech uk dät Määlnboot, foar do Kunden uut Baalenje. Die lääsde Oainer wier Hermann Müller.

Bedrieuwe[Beoarbaidje | Quelltext bearbeiten]

An ju näie "Buurmeester Schröer-Sträite" lait n näi Bedrieuwengebied:

  • Reens Baubedrieuw
  • ASS Autoservice
  • Nachtigall Caravans

dan is där noch in Uutände:

  • Worthmann Diskleräi
  • Schulte-Perk Sträitenbau

Siedlenge[Beoarbaidje | Quelltext bearbeiten]

Bie Strouts Wai is n näie Siedlenge äntsteen.

Bädden in Uutände[Beoarbaidje | Quelltext bearbeiten]

  • Erich Lukassen, Buurmäster fon ju Meente Seelterlound fon 1981-1999


Sjuch uk[Beoarbaidje | Quelltext bearbeiten]

Ferbiendengen[Beoarbaidje | Quelltext bearbeiten]

 
Täärpe un Buurskuppe in Seelterlound
Woapen fon Seelterlound

Täärpe
Roomelse | Skäddel | Strukelje | Seedelsbierich
Buurskuppe
Baalenje | Bäätholt | Bieuwelte | Boukeläsk (Klaaster) | Fäärmesound | Hällene I + II | Heeselbierich | Hollen | Hollenerfoan | Hollenbround | Idafeen (bit 1974) |
Knülke (Skillup) | Loanghoarst | Siedlenge Muddebierich | Näiskäddel (bit 1974) | Näiwal | Roomelse-Aast |
Roomelse-Wääst mäd Hoogebierich, Häärst un Raake | Seedelsbierich-Kolonie | Skäddelerdom | Strukelje-Wääst | Ubbehusen | Uutände | Wietsound