Zum Inhalt springen

Muddebierich

Uut Wikipedia

Muddebierich (düütsk: Muddeberg) is n Gestrich in dät Suude fon Seedelsbierich. Dät Gebiet lait twiske dät Täärp un dät Kustenkanoal wäästelk ju Näiskäddeler Sträite un aastelk ju Seelter Äi.

Geskichte[Beoarbaidje | beoarbaidje Wältext]

Deer wieren fröier mäd Boome un Buske bewuuksene groote Soundhöäwele. N grooten deel fon dän Sound is uum 1925 bie dän Bau fon ju Koloniesträite wächfierd wuuden. Uum 1960 waas deer noch n grooten Soundhöäwel juust ieuwenske ju Naiskäddeler Sträite. Däälich is deer alles wächfiert.

"Wooldheini"[Beoarbaidje | beoarbaidje Wältext]

Buppe ap dän Bierich diräkt an ju Näiskäddeler Sträite stuud sowät uum 1960 noch ne oolde holtene Hütte, wier n Eensiedler in huusede. Dän Mon naamden jo aal bloot "Wooldheini" (düütsk: Waldheini). Wier die Mon blieuwen is, is nit bekoand.

Ju Siedlenge[Beoarbaidje | beoarbaidje Wältext]

Do eerste Huuse sunt deer wail ätter dän Kriech baud wuuden. In do lääste 20 Jiere häd Muddebierich sik tou ne flugge Siedlenge äntwikkeld. Truch Muddebierich loope do Sträiten "Muddeberg", "Am Muddeberg", "Muddewiese" un "Am Felde".

Do Ienwoonere feranstaltje jierelk in n Suumer n grooten "Muddebierich-Fäästdai" ap hieren Spielplats.

Ferbiendenge[Beoarbaidje | beoarbaidje Wältext]

 
Täärpe un Buurskuppe in Seelterlound
Woapen fon Seelterlound

Täärpe
Roomelse | Seedelsbierich | Skäddel | Strukelje
Buurskuppe
Baalenje | Bäätholt | Bieuwelte | Boukeläsk (Klaaster) | Fäärmesound | Hällene I + II | Heeselbierich | Hollen | Hollenbround | Hollenerfoan | Idafeen (bit 1974) | Knülke (Skillup) | Loanghoarst | Muddebierich | Näiskäddel (bit 1974) | Näiwal | Roomelse-Aast | Roomelse-Wääst mäd Häärst, Hoogebierich un Raake | Seedelsbierich-Kolonie | Skäddelerdom | Strukelje-Wääst | Ubbehusen | Uutände | Wietsound