Seelter-Äi-Paad

Ju näie Brääch uur ju Seelter Äi bie Roomelse

Dät Seelter-Äi-Paad (düütsk: Sater-Ems-Wanderweg) is n näi Paad loangs ju Seelter Äi un gungt bolde truch gans Seelterlound fon Baalenje bit tou Seedelsbierich. Dät Paad häd ne Laangte fon 16,8 Kilomeeter. N grooten Deel lait dät Paad ap dän Diek fon ju Seelter Äi. Dät Paad gungt loangs do flugge Natuurloundskuppe un do Woolde in Seelterlound, so as de Hollener See mäd Hollebierich un dän Loanghoarster Iesk, dän Maiglöckchenwoold un de Maiglöckchensee in Skäddel. Ju Skäddeler Määlne mäd Määlnemuseum un ju Skäddeler Säärke sunt uk nit so fier wäch fon dän Paad.

In Roomelse is deer n näie Brääch uur ju Seelter Äi mäd n Wai ätter dät Inkoopssäntrum un ju Säärke fon Roomelse. Dät Paad wuud in 2010 anläid un häd mäd do Brääge 338.000 Euro kosted.

Sjuch uk

Seelter Äi

Ferbiendenge

Seelter-Äi-Paad (NWZ)

Loundskuppe un Woater in un uum Seelterlound
Loundskuppe Aastfoan \| Wäästfoan \| Maiglöckchenwoold \| Hollebierich \| Loanghoarster Iesk \| Seelter-Äi-Paad \| Klaasterbusk \| Woolde in Seelterlound \| Swonnebiergerfoan Woater Hollener See \| Maiglöckchensee \| Idasee \| Stickisee \| Seelter Äi mäd Seelter-Äi-Paad \| Kustenkanoal \| Elisabethfeenkanoal \| Uutändjer Kanoal \| Leda \| Jümme