Panama-Stääd

Uut Wikipedia
Panama-Stääd
Statistieke
Ienwoonertaal 880.691(2010)
Fläche 275 km²
Befoulkengstichte 2,750/ km²
Agglomeration 1.272.672 Ienwoonere ap 2.560 km²
Höchte 2 m
Politik
Lound Panama
Provinz Panamá
Buurmäster Bosco Vallarino
Uur
Stiftenge 1519
truch Pedro Arias Dávila
Websiede www.municipio.gob.pa

Panama-Stääd (ap Spoansk: Ciudad de Panamá) is ju Haudstääd un die Regierengssit fon dän middel-amerikoansken Stoat Panama. Dät is mäd sowät 813.097 Ienwoonere ju grootste Stääd fon dät Lound. Ju lait in't Suude fon ju Provinz Panamá an ju Kuste fon dän Pazifisken Ozean, kräkt aastelk fon dän Panama-Kanoal. Ju moderne Stääd is die wirtskuppelke, politiske, touristiske un kulturelle Middelpunkt fon dät Lound. Ätter ju Wirtskup tou uurdeeljen is dät een Waareld-Stääd.

Geskichte[Beoarbaidje | beoarbaidje Wältext]

Panamá la Vieja

Die spoanske Gouverneur Pedro Arias Dávila gruundede ap dän 15. August 1519 Nuestra Señora de la Asunción de Panamá sowät 10 km aastelk fon wier däälich ju Binnestääd lait (Casco). Ap dän 15. August 1521 kreech ju Stääd dän Noome, dän ju däälich häd un uk dät Woapen, dät ju däälich häd. Truch ju Äntdäkkenge fon dät Inka-Riek in Peru wuude ju Stääd bolde tou een wichtich Honnels-Säntrum. Do rieke Skätte fon do Inka wuuden fon hier ätter Europa broacht.

1671 wuude ju Stääd truch dän ängelske Seeroower Henry Morgan fernäild un ätters sowät 5 Kilomeetere suudwäästelk deerfon, wier ju däälich lait, wier apbaud. Ruinen fon ju fröiere Siedelenge sunt noch deer un wäide Panamá la Vieja naamd. Ätterdät ju Stääd in ju Foulgetied fon masse Seeroowere plunnerd wuude, ferloos die Honnel bielitjen sien Betjuudenge. Ju Stääd won in Tonk fon hiere geografiske Position ap ju Lound-Äängte fon Panama bolde moor Betjuudenge. Man ju belieuwde eerste ätter dän Bau fon dän Panama-Kanoal aan stäärkeren Groi. In 1903 wuude Panama-Stääd tou ju Haudstääd fon dät näi gruundede Lound Panama ferkloord, in't Foaren hiede dät Rebät tou Kolumbien heerd.

Mäd dän Bau fon ju eerste Iersenboan-Linie un läiweloa dän Panama-Kanoal hiede ju Stääd in't leete 19. un foaraaln in't 20. Jierhunnert aan baldoarigen wirtskuppelken Apswung. Apstuuns groit ju Grööte fon ju Stääd gau, wierbie nit bloot ju Touwonnerenge, man uk ju Immobilien-Spekulatsjoon un wildääge uk dät Waaksjen fon Drogen-Jäild uut Kolumbien een Rulle spielt.

Al in 1513 waas truch Poabst Leo X. dät Bistum Santa María de La Antigua del Panamá apgjucht wuuden. In 1925 wuude dät tou't Äärtsbistum Panama un wuude direkt dän Hilligen Stoul unnerstoald. Biskops-Säärke is ju Kathedroale Santa Maria la Antigua.

Foutnooten[Beoarbaidje | beoarbaidje Wältext]