Peru

Uut Wikipedia
Piruw Republika (Quechua)

Piruw Suyu (Aimara)
República del Perú (Spoansk)

Flaage fon Republik Peru Woapen fon Republik Peru
Flaage Woapen
Woalspruch:
Nationoalhymne: Somos libres, seámoslo siempre
Steede fon Republik Peru
Amtssproake Quechua, Aymara un Spoansk
Haudstääd Lima
Stoatsfoarm Republik
Gebiet
Fläche
% Woater

1.285.216 km² km²
0,4­%
Ienwoonere (2014) 30.147.935
Munte Nuevo Sol (PEN)
Tiedzone UTC -5
Fierdai 28. Juli
Loundkode PE
TLD .pe
Telefonfoarwoal +51
Peru
Machu Picchu

Peru is n Lound in't Wääste fon Suudamerikoa. Die Präsidänt fon ju Republik is sänt 2016 Pedro Pablo Kuczynski (Stound: Januoar 2018).

Dät rakt junner aiske unnerskeedelke Loundskuppe mäd heel ferskeedene Plonten un Dierte.

Peru is bekoand foar sien Fergeenhaid in dät Inka-Riek, dät leeter dän Spoanske Kolonioalismus tou Offer fäl. Archäologisk wäidfulle Steeden so as ju Ruinen-Stääd Machu Picchu tjuuge bit däälich fon do Inka. Man uk dät Quechua, een Sproake, ju al fon do oolde Inka boald wuude, is däälich wier een fon tjo Amtssproaken un wäd fon trättien Prosänt fon ju Befoulkenge bruukt. Uk dät Aymara, uurs een ienheemske Sproake, is Amtssproake. Man ju wichtichste Amts- un Ferkierssproake is bit däälich dät Spoanske, dät in ju Kolonioaltied ätter Suudamerikoa broacht wuude. Tachentich Prosänt fon ju peruoanske Befoulkenge baale Spoansk as Muursproake.

In 2007 wieren 81,3 % fon ju Befoulkenge katoolsk un 12,5 % evangeelsk. 3,3 % roaten oun, dät jo een nit apfierde Religion touheere un 2,9 % hääbe kweeden, dät jo nit religiös sunt. Ap't Lound rakt dät sowät fieuw Prozent minner Katholiken as in'e Stääd.


Geographie[Beoarbaidje | beoarbaidje Wältext]

Peru lait in't Wääste fon Suudamerikoa, loangs dät Ouger fon dän Pazifisken Ozean. Ätter sien Flakte is Peru mäd 1.285.216 km² dät träädgrootste Lound fon Suudamerikoa. Gratter sunt deer bloot Argentinien un foaraaln Brasilien.

Loundskuppe in Peru[Beoarbaidje | beoarbaidje Wältext]

Peru deelt sik groaf fon't Wääste ätter't Aaste in tjo Loundskuppe. In't Wääste, oun'n Pazifik, lait ju Kustenloundskup (Costa), ju fon Wöiste bestimd is. In't Aaste lait ju Bierichloundskup (Sierra) ju fon do Anden un ju Hoochieuwene, dän Altiplano mäd dän Titicaca-See bestimd is. Die hoochste Bierich fon Peru is die Waskaran (spoansk: Nevado Huascarán) mäd 6768 Meetere. In dät Bierichmassiv Nevado Mismi lait wildääge ju Haud-Wälle fon dän Amazonas, man dät is striedich. Ap älken Faal hääbe moorere wichtige Wäl-Äien fon dän Amazonas hieren Uursproang in ju "Sierra" fon Peru. Aastelk fon ju "Sierra" lait ju "Selva", die Holtbusk. Dät is eerste tropisken Bierichwoold un fääre ätter't Aaste tropisken Rienwoold.

Noaberlounde[Beoarbaidje | beoarbaidje Wältext]

Peru wäd beskat fon...

Stääde[Beoarbaidje | beoarbaidje Wältext]

  1. Lima
  2. Cusco
  3. Trujillo
  4. Arequipa
  5. Iquitos
Wikimedia Commons Klik hier foar moor touheerige Mediendoatäie ap Wikimedia Commons.