Aastfräisk (Läichdüütske Sproake)

Aastfräisk (dt. Ostfriesisch) is ju Sproake fon do Aastfräisen, do der in Aastfräislound woonje, so uum Aurk, Oamde un Lier bietou. Fon Seelter wäd dät oafte kuut "Fräislound" benaamd.

Dät Aastfräiske fon däälich is fon sproakkundigen Gesichtspunkt häär neen fräiske Sproake (as dät Seelterske) man ne läichdüütske af platdüütske Sproake. Dät wiest sik in do foulgjende Biespiele:

Aastfräisk Plat	wäik	fak	land	höören	söyken	Füer	slecht	dağ	kârk	denken	brājen
Seeltersk	wook	Fäk	Lound	heere	säike	Fjuur	sljucht	Dai	Säärke	toanke	braidje

Dät aastfräiske Plat häd sik tou ne näie Sproake äntwikkeld, ju soogoar noch ooldfräiske Woude bewoard häd, as âjd "Aide", fôn "Wucht", gräied "Weedelound", tüddern "tjudderje".

Ferbiendenge ätter bute

• Woudebouk uur dät aastfräisk plat fon ju Jungfräiske Mäinskup

Tou dit lääste: Arend Remmers, Zum ostfriesischen Niederdeutsch, Niederdeutsches Jahrbuch 117, 118, 119 (1994-1996).