Woater

Uut Wikipedia
Woater is aan fon do wichtichste Stoffe foar dät Lieuwend ap uus Äide.

Woater (H2O) (in't Skäddeler un Struukeljer Säspel Waater uutboald) is ne chemiske Ferbiendenge uut do Elemente Suurstof (O) un Woaterstof (H). Woater is as Floudegaid truchsjuunelk un in skiere Foarm bienaist faaw-, röäk- un smoakloos. Woater is ju eensige chemiske Ferbiendenge ap ju Äide, ju inne Natuur as Floudegaid, Fääststof un Gas foarkumt. Ju Beteekenge Woater wäd deer bie foaraaln foar dän floudergen Aggregoat-Toustound bruukt. Wan dät fääst is, hat dät Ies un wan't gas-foarmich is Damp.

Besunnere Oainskuppe[Beoarbaidje | beoarbaidje Wältext]

  • Ousäin fon Kwäksäälwer häd Woater ju grootste Bupperflakten-Sponnenge fon aal do Floudergaide ap ju Äide.
  • Woater häd ne Tichtegaid fon bienaist 1000 kg / m³. Niep häd dät ju grootste Tichtegaid fon 999,975 kg/m³ bie ne Temperatuur fon 3,98 °C. Bie läigere Temperatuuren wäd die Ruumteienhoold fon ju sälge Masse Woater wier gratter, wan dät fjust (bie 0 °C) sogoar sjuunelk, wät ju Uurseeke is, dät Ies ap Woater swimt. Dät is ju bekoande Tichtegaids-Anomalie fon dät Woater, uumdät uur Stoffe in dän fäärsenen Toustound loodiger sunt as in dän floudergen.
  • Woater häd man ne besunners litje Fäidegaid, Woormte tou leeden.
  • Aal deerätter, wäkke Woaterstof-Isotope in ju Ferbiendenge sunt, rakt dät licht Woater (mäd twäin Atome H, as normoal), hoolich-loodich Woater mäd een H un een D (Deuterium), loodich Woater mäd two D, un uurloodich Woater (Tritiumoxid) mäd two T (Tritium). In ju Natuur kuume do Sunnerfoarme oaber säilden foar. So findt sik in normoal Rienwoater toun Biespil een Deuterium-Atom ap njuugenduusend normoale Woaterstofatome.
Oumeetengen fon't Woatermolekül
Oumeetengen fon't Woatermolekül