Rio Juruá

Uut Wikipedia
Zur Navigation springen Zur Suche springen
Koarte fon dät heele Amazonas-Äi-System, wier die Juruá besunners ap känteekend is.
Do Wiendengen fon ju Äi fon buppe
Een Siedelenge bie ju Äi

Die Juruá (portugiesisken Noome in Brasilien; ap Spoansk, in Peru, hat hie Río Yurua) is een 3283 Kilomeetere loange, fon gjuchts kuumende Sieden-Äi fon dän Amazonas in Peru un Brasilien.

Ferloop fon ju Äi[Beoarbaidje | Quelltext bearbeiten]

Ju Äi äntspringt in't Bierichlound fon ju peruoanske Region Ucayali, suud-aastelk fon Puerto Portillo un fljut fon junner ätter't Noudwääste. Bie Foz do Breu slängelt sik ju Äi twäärs uur't Skeed ätter Brasilien un fljut eerste in noudelke un ätters - parallel tou dän Purus - in noud-aastelke Gjuchte truch dän brasilioansken Buundesstoat Amazonas. Junner lait ju glieknoomige Meente Juruá an ju Äi. Die Juruá fljut in dän Bupperloop fon dän Amazonas (Koordinoaten fon ju Mundenge: 2°38′9″S 65°45′22″W)

Ap aaltouhoope 1823 Kilomeetere Loangte is die Juruá skipbeer.

Do grootste Äien, do deer oun fljoote[Beoarbaidje | Quelltext bearbeiten]

Tou do grootste Äien, do deer oun fljoote, heere (fon buppe ju Äi deel:[1]

  • Río Humaitó (gjuchts)
  • Juruá Mirim (links)
  • Rio Moa (links)
  • Río Ipixuma (links)
  • Riozinho da Liberdade (gjuchts)
  • Rio Gregório (gjuchts)
  • Rio Eiru (gjuchts)
  • Río Tarauacá (gjuchts)
  • Río Xiruá (gjuchts)
  • Rio do Breu (gjuchts)

Wällen[Beoarbaidje | Quelltext bearbeiten]

  • Düssen Artikkel foutet ap een Uursättenge uut ju düütsksproakige Wikipedia.

Literatuur[Beoarbaidje | Quelltext bearbeiten]

Weblinks[Beoarbaidje | Quelltext bearbeiten]

Commons Commons: Rio Juruá – Sammelenge fon Bielden, Filme un Heerdoatäie

Einzelnachweise[Beoarbaidje | Quelltext bearbeiten]

  1. Kümmerly+Frey Rand McNally: Internationaler Atlas. Uutroat fon'n Georg Westermann Verlag ISBN 3-07-508962-1