Titicaca-See

Uut Wikipedia
Wikselje tou: Navigation, Säike (08)
Die Titicaca-See

Die Titicaca-See (Quechua: Titiqaqa qucha, Spoansk: Lago Titicaca) is n grooten Woaterdoabe in't Noude fon dän Altiplano, dät säntroale Hoochlound twiske ju wäästelke un ju aastelke Bierichkätte fon do Anden. Hie lait ap dät Skeed twiske Peru un Bolivien mäd sin Woaterspeegel ap 3810 Meetere buppe ju See un häd ne Flakte fon 8.288 km². Hie is läip keetich un jält as n betruued Biotop.

Die See is uk ne wichtige Boasis fon ju bolivioanske Militär-Flotte, uumdät Bolivien sänt dän Salpäiter-Kriech (1879 bit 1884 tou) naan Oundeel moor oun'e Pazifik-Kuste häd.

Ieuwenske do Ätterkuumere fon do Kolonioalisten lieuwje bie dän Titicaca-See uk Indioaner-Foulke as do Urus un do Quechua.

Wichtige Dierte in un uum dän Titicaca-See sunt ju Titicaca-Poage (Telmatobius culeus) as Fertreeder foar do Amphibien, die Titicaca-Duuker (Rollandia microptera) as Fertreeder foar do Fuugele, die Sleek Orestias un ju Oard Trichomycterus rivulatus as Fertreedere fon do Fiske.