Molkeräi

Gjuchts dän Skossteen fon ju Skäddeler Molkeräi, links därfon dät witte Huus was Mensing, där was uk ju Skäddeler Poststee, in ju Midde ju Hauptsträite und gans gjuchts die litje Wäi ätter ju Molkeräi

Ju Molkeräi is ne Fabrik tou Beoarbaidenge fon Molk tou Produkte as Buutere, Sies un däälich noch sofuul moor.

In Seelterlound wuud 1902 ne Molkeräi baud in Skäddel (Heese 124, 394). Düsse Janßen, dät was Lümke Wülm. Dät was en gouden klouken Käärl un uk n goudmööidigen Käärl. Di hied dän Binoome fon "Egyptische Josef" un di häd n Masse foar t Tärp Schäddel däin. Hi häd uk n Molkeräi deerwai baut, dät häd hi ap sien Loundstük apsät. Un doo hied hi deer je n Maierist oane, di hiet Olliges, un di Olliges di koom fon Äästerweede. Se20S. Ju Skäddeler Molkeräi stuud stump ieuwenske ju oolde Buurensteede fon Egeers aan n litjen Wai, die däälich "Alter Postweg" naamd is.

Leeter roate dät ju Libby Molkeräi midde in Seelterlound (Ls108, 1955). Ju stuud aastersiede Sträite twiske Roomelse un Hollen, juust ieuwen uur dän Iersenboan ap Noune Tuun. (St3:4:7-8, 1968). Dät wier an ju Hauptsträite ap ju Steede wier so'n 20 Jiere die "Combi-Markt" stuud, där wier nu ju Firma "Heizungsbau Drees" is.

Fröier stuud där uk suudelk Boukeläsk ne Molkeräi.

Do Seelter Molkeräien sünt nu al loang oubreken. Där is niks moor fon tou sjoon.

Sjuch uk

Lieste fon do Seelter Roupnoomen

Bielde

Bielde uut dät Fotoarchiv fon Theo Deddens:

Dät oolde Buurenhus fon Egeers, där bääte ju Skossteen fon ju Molkeräi, gjuchts ju Hauptsträite, bääte in de Midde die litje Wai die ätter ju Molkeräi wai geen (uum 1955)
N glieke Bielde mäd moor Huusen in dät Tärp. In ne Midde gungt links die "Raiffeisendamm" ätter Loanghorst wai
Willi Klären mäd Hoangste un Molkwoain in Skäddel, gjuchts ju Drogerie Huesmann,
Willi Klären mäd sien Molkwoain in Skäddel, gans bääte dät witte Huus was Mensing un bääte dän grooten Boom do Skoosteen fon ju Molkeräi. Egeers was do wäil al oubreeken. Links die Bäidenstuun. (1966)

Bauwierke in do Fräislounde