Diskussion:Molkeräi

Seiteninhalte werden in anderen Sprachen nicht unterstützt.
Uut Wikipedia

Ju Bielde stamt uut Schäddel un mäd Tooren is dän Schossteen meend? --Pyt 14:42, 25. Okt 2010 (UTC)[Beantworten]

Jä Piet, fon särm was die Schossteen meend, dät hied iek tou gauw schrieuwen. Iek hääbe där noch aan Bielde moor, fon ju uur Siede, uut dät Archief fon Theo Deddens, dät kuumt där uk noch bie.--Bernd 14:48, 25. Okt 2010 (UTC)[Beantworten]
Fluch, do Bielden! Ferstounde iek deeruut goud, dät ju Schäddeler Molkeräi aastersiede Sträite liech? Theo Griep häd Lümkens (39) wäästersiede (Seelter Seeken 4, 20), man dan häd ju Molkeräi nit bie dän sien Huus steen, man ap n uur Loundstuk fon him? --Pyt 17:44, 25. Okt 2010 (UTC)[Beantworten]
Ju Molkeräi liech aastersiede Hauptsträite, iek toank bääte dät Huus fon Mensing, dät was ja n goans loanged Huus mäd ju Poststede, Mensing sien Wohnung un dan wier uk noch n Sloachterwinkel in dät Huus. Un dan keem al Egeers und dan keem ju Raiffeisendom. Un bääte dät loange Huus fon Mensing wier wäil ju Molkeräi. Die kuud moan fon ju Hauptsträite uut nit sjoon, un die Tougoang tou ju Molkeräi wier fon dän litjen Wai uut. Iek hooppje, dät so gjucht is. As Bäiden sünt wie älke Dai uur dän litjen Wai fiert, moan do interessierde us nit ju Molkeräi oawer ju Peeren, do fon Egeers sien fluggen Peereboom ap dän litjen Wai fuulen sünt. Moan dät is nu 50 Jiere här und sietdärm bän iek noch nit wier uur dän litjen Wai fiert, moan iek wül Theo Deddens noch fräige. Ju Steede fon Lümkens koande iek nit, dät waat Theo uk seküür noch.--Bernd 18:43, 25. Okt 2010 (UTC)[Beantworten]