Llaqtapata

Llaqtapata (fon Quechua llaqta "Siedelenge" un pata "Terasse" / "Stappe" / "Ouger"), uk uumekierd Patallaqta of uurs Q'inti Marka (fon Quechua Q'inti "Kolibri" un Marka "Täärp) beteekend, is ne Ruinen-Stääd fon do Inka oun ju Äi Urubamba in Peru.

Geskichte

Dät lait sowät tachentich Kilomeetere noudwäästelk fon Cusco, dät ju Haudstääd fon't Inkariek waas, un sowät 15 Kilomeetere suudaastelk fon Machu Picchu, uurs ne Ruinen-Stääd fon do Inka. Dät waas somäd gjucht säntroal lain un uk goud oun't Sträiten-Nätwierk fon do Inka ounbuunen.

Ju Siedelenge waas befäästiged, uumdät ju Steede in ju Tied fon't Inka-Riek strategisk wichtich waas. Buppedät roate dät Masse Fäildere in ju Stääd, wier Tuffelke un Mais ounbaud wuuden sunt.

Manku Qhapaq II., eerste n Marionetten-Heersker uur dät spoansk besätte Inka-Riek, leeter n Apstoundisken juun dän Kolonioalismus, baadende Llaqtapata deel, ätterdät hie sik in 1536 uut dät Rebät fon Cusco touräächluuke moaste. Hie wüül truch ju Fernäilenge fon Siedelengen loangs do Inka-Sträiten do spoanske Ferfoulgere äntmoudigje.

Ferbiendengen ätter buute

Klik hier foar moor touheerige Mediendoatäie ap Wikimedia Commons.