Bourtange

Uut Wikipedia
Ju Fäästenge Bourtange, 2005
Exerzierje fon Pikeniere und Musketiere
Kenunenfjuur

Bourtange is n Fäästenge-Täärp in do Niederlounde in ju Meente Vlagtwedde, Provinz Groningen. Dät Täärp lait tichte an dän Skeed twiske dät Oamselound un do Niederlounde, n poar Kilomeeter wäästelk fon Dörpen in dät grattste Foangebied fon Europa, dät Bourtanger Foan. Bourtange häd 430 Ienwoonere (2008).

Geskichte[Beoarbaidje | beoarbaidje Wältext]

Bourtange häd ne loange Geskichte. Um 1580 wuud ju Fäästenge baud un ju wuud in dät Jier 1594 Deel fon ju Skeedferdedenge fon do tjo noudelke Provinzen Groningen, Fräislound un Drenthe. Ätter 1850 hiede ju Fäästenge naan militärieske Betjuudenge moar un wuud 1851 sleeten un ferkooped. Ju Meente Vlagtwedde baude ju Fäästenge ätter 1960 wier ap in dän Originoal-Toustand fon 1742.

Däälich[Beoarbaidje | beoarbaidje Wältext]

Ju Fäästenge is däälich ne bekoande touristieske Attraktion. Ieuwenske ju Fäästenge sünt deer die Määrketplats, jierhunnerte oolde Lindeboomen, fjieuw Musea, Winkels un Restaurants, n historiesk Hotel un n Trouwsoal in n oold Huus. Deer sünt ne Bockwiendmäälne un ne Rosmäälne wier apbaud. In ju Säärke fon Bourtange sünt noch ferskäidene Uurbliefsel fon ju uurspronkelke Fäästenge-Säärke, do as eerste protestantske Säärke in ju Provinz Groningen in 1607 baud is. Ju Synagoge uut 1842 is däälich dät "Joods Synagogaal Museum".

Tourismus[Beoarbaidje | beoarbaidje Wältext]

In de Suumertied sünt deer histoorieske Ferounstaltenge, wierunner älke Jier in n Moai ju "Schlacht uum Bourtange" (uut 1640 un 1814). Fon Meerte bit tou Oktober exerzierje älke Suundai ju "Pikeniere un Musketiere" un dan wäid deer mäd ju Kenunen skjoote. In August is deer dät groote "Fäästenge Spektaculum" uut ju Tied fon dät Middeloaler un in dät Jier is deer moarmoals n Määrket.

Sjuch uk[Beoarbaidje | beoarbaidje Wältext]

Bielden[Beoarbaidje | beoarbaidje Wältext]

Panoramauursicht fon ne Bastion in ju Fäästenge uut apnuumen