Groningerlound

Provinz Grinslân Flaage fon Grinslân Woapen fon Grinslân Haudstääd Groningen Beapdraagde fon ju Köönigin René Paas (CDA) Religion (1999) Evangeelsk 29% Katoolsk 7% Flakte - Lân - Woater 2.959 km² 2.336 km² 623 km² Ienwoonere - Totaal - Ienwoonertichte 581.192 ((2011)) 249 Ienw./km² Geografiske Koördinoaten 53°13' NB 6°34' AL Nationoalhymne Grönnens laid Websiede www.provinciegroningen.nl

ne Koarte fon ju Provinz Groningen un sien Meenten

Groningen (uk Gräinen, Wääst-Fräisk: Grinslân, Groningsk Plat: Grönnen) is ne Provinz in dät Noudaaste fon do Niederlounde un häd (1. Januoar 2005) 575.234 Ienwoonere. Ju Haudstääd hat uk Groningen un is ju grootste Stääd fon dät Noudaaste fon do Niederlounde. Groningen wäd begränsed fon:

• int Noude: dät Wääd (Watt) un dät Oamse-Dullert-Ästuarium
• int Aaste: Aastfräislound un dät Oamselound
• int Suude: ju Provinz Drente
• int Wääst: ju Provinz Wäästfräislound

Sproaken un Dialekte

In Groningen wäd Groningsk fon 350.000 Ljuude boald. Dat Groningske is ne Friso-Saksiske Sproake, ju der uut dät Aastfräiske un dät Drentske äntsteen is. Uk dät Aastfräisk Läichsäksiske is ap ju Wiese äntsteen. Dät Groningske un dät Aastfräisk Läichsäksiske wäide mongs as eene Sproake ounkieked, dät Groningsk-Aastfräiske.

Ju Sproake is foar n Deel fon dän Woudskät un ju Uutsproake ferwant mäd dät Seelterske; sjuch do Biespiele. Ju Skrieuwwiese fon dät Aastfräiske is uurs as ju Groningske, oawers ju Uutsproake is jusälge.

Seeltersk	litje	sunt	maasttieds	Fräisk	Läichsaksen	tou
Groningsk	lutje	sunt	maisttieds	Frais	Leegsaksen	tou
Aastfräisk	lüttje	sünt	meesttieds	Freesk	Nedersaksen	to
Munsterloundsk	klein	siet	meestens	Frees	Neddersassen	to

De Grinzer Pein un Kornhorn in ju Meente Grootegast un do Täärpe Marum un De Wülp in ju Meente Marum, sünt do insige Täärpe in ju Provinz Groningen, wier noch n fräisken Dialekt boald wäd.

Meenten (10)

Meente	Ienwoonere (1. Januar 2021)	Uurfläche (lound, km2)	Grootste Täärpe un Stääde
Eemsdelta	45.528	267,89	Delfzijl, Appingedam
Groningen	233.218	185,60	Groningen, Haren, Hoogkerk
Het Hogeland	47.843	482,82	Bedum, Winsum, Uithuizen
Midden-Groningen	60.740	280,72	Hoogezand, Sappemeer
Oldambt	38.292	226,73	Winschoten, Scheemda, Finsterwolde, Beerta
Pekela	12.166	49,07	Oude Pekela, Nieuwe Pekela
Stadskanaal	31.757	117,63	Stadskanaal, Musselkanaal, Onstwedde
Veendam	27.419	76,00	Veendam, Wildervank
Westerkwartier	63.660	362,61	Leek, Zuidhorn, Marum
Westerwolde	26.190	275,77	Ter Apel, Vlagtwedde

Sjuch uk

• Uumelounde