1603

14. -- 15. -- 16. -- 17. Jierhunnert -- 18. -- 19. -- 20.
Jiere: 1600 - 1601 - 1602 - 1603 - 1604 - 1605 - 1606 -

Foarfaale[Beoarbaidje | beoarbaidje Wältext]

24. Meerte: Köönich James VI. fon Skotlound uut dät Huus Stuart wäd as James I. uk Köönich fon Änglound un Irlound, ätterdät ju oolde Kööniginne Elisabeth I. sunner Bäidene stuurwen is. Foar dät eerste Moal bruukt hie dän Uutdruk Grootbritannien, die toufoarne bloot geographiske Betjuudenge hiede, uk politisk, uum ju breekelke Personoal-Union Stöän tou reeken.
20. April: Hüsem (dt. Husum) in Noudfräislound kricht dät Stäädgjucht.

Tjo Jiere ätter ju Uurwinnenge fon sin grootsten Juunstrieder Ishida Mitsunari lät sik Tokugawa Ieyasu fon dän Tennō dän Titel Shōgun reeke. Deermäd begint dät Tokugawa-Shogunoat. Düssen uk as Edo-Tied bekoanden Deel fon ju japoanske Geskichte, wier uk ju loangste freedelke Tied fon ju Näitied ien faalt, skäl moor as twohunnert Jiere duurje.
Naresuan, Köönich fon dät siameesisk Köönichriek Ayutthaya, roaket in aan trääden Siameesisk-Kambodschoansken Kriech 1603 ju Uppermonskup uur Kambodscha, uumdät hie deer mäd Reachea IV. n Marionetten-Köönich an ju Heerskup brangt.
Johann Bayer rakt in Augsbuurich ju Uranometria uut, dän eersten Stiern-Atlas, wier ju heele Heemelskuugel ap is. Man die Atlas änthoaldt bloot Stierne, do deer mäd bloote Oogene sjuunelk sunt, uumdät dät domoals noch naan Fierkieker roate. In ju Uranometria fiert Bayer een System ien, uum Stierne mäd griechiske un latienske Bouksteeuwen tou beteekenjen, wät däälich noch unner dän Noome Bayer-Beteekenge bruukt wäd.