Ab urbe condita (Chronologie)

Uut Wikipedia

A. u. c. is ju Oukuutenge foar dät latienske ab urbe condita, dät hat uursät: "fon ju Stäädgruundenge oun". Dät kon uk Anno Urbis Conditae heete, also "in't Jier fon ju gruundede Stääd"; säildener stoant deer uk p. u. c. foar post urbem conditam ("ätter ju Stäädgruundenge"). Dät belukt sik ap ju Tied, ju sänt ju Gruundenge fon ju Stääd Room fergeen weese skäl. Die Wäid is deermäd aaltied uum 753 Jiere gratter as ju Jierställenge fon dän Gregorioansken Kalänner. Me beteekent ju Epoche ätter 753 f. Kr. uk as varroniske Ära, uumdät die Roomske Historiker Marcus Terentius Varro dät waas, die uut histooriske Doaten düsse Doatierenge fon ju Stäädgruundenge bereekend häd. Sien Räächreekenge wäd däälich foar ferkierd heelden.