Noudfräislound

Fraschlonj (Mooringer) is n noudfräiske Noome foar Fräislound un soo uk die offizielle Noome fon dän düütske Kring Noud-Fräislound. Fraschlonj häd sun 160.000 Ienwoonere. Haudstääd is Husum, Hüsem ap Fräisk. In dän ganse Kring is ju fräiske Sproake - dät Noudfräiske] - ieuwenske dät Düütske ju offizielle Sproake; uungefeer 8.000 Ljuude baale düt noch as eerste Sproake.
Nationoalläid is dät Gölj - Rüüdj - Ween un beluked ik ap ju Flaage fon ju Region Noudfräislund..

Skichte

Ju fräiske Kolonisierenge fon Noudfräislound koom in Wogen: do Ailounde wuden in't 8. un 9. Jierhunnert kolonisiert un dät Fäästlound ätter dät Jier 1000. Do Noudfräisen hieden juusto as do Fräisen twiske Flie un Weser hiere oaine Gjucht, man wieren politisk Deel fon't deenske Könichriek of fon do deenske Fasallen.

Ju fräiske Sproake hiede een goud Toukumst häbe kuud, wan deer naan Stoarmfloude wezen wieren. Bie dän Stoarmfloud fon 1362 ferdween Rungholt in do Wogen. Rungholt hiede ungefeer 50 Warften, wier ruuchwäch 1500 bit 2000 Moanskene lieuweden. Dät waas foar dät 14. Jierhunnert gjucht fuul. In't 16. Jierhunnert wude dät Noudfräiske fon Eiderstedt ferdreeuwen un bie ju Grote Mandränke fon 1634 wude nit blot dät Ailound Stround fernäild, ju fierde uk tou'n Sproakwiksel.

Paate

Sylt - Söl'
Amrum - Oomram
Föhr - Feer
do Halligen - E Halie
Pellworm - Pälweerm
Nordstrand - Noordströön
- Wiringhiird
- Böökinghiird
- E Gooshiirde
- Karhiird
Husum - Hüsem
Aiderstääd - Ääderstää
Friedrichstääd - Fräärstää
Hälgelound - Halilun

Groote Suune fon Noudfräislound

Sjuch uk

Kring Nordfriesland

Ferbiendengen ätter buuten

Noudfräiske Test-Wikipedia. 118 Sieden ap n 11.3.09, 434 Sieden ap n 20.3.2010.
Noudfräiske Wikipedia, 1.058 Artikkele ap n 1.1.2011. (Anärkoand dän 4. August 2010). 1.796 Artikkele ap n 28.1.2012.