Äntwikkelenge fon Huushollengen un Persone in dät Seelterlound

Uut Wikipedia
Zur Navigation springen Zur Suche springen

Foar ju Äntwikkelenge fon Huushollengen un Persone in dät Seelterlound stoalde Heinrich Schulte ju Antaal fon Huushollengen fon 1473 bit 1674 fääst uut do Skätsengsliesten un deerätter uut Statistiken fon Säärke un Stoat. Ju Taal fon Koppe pro Huushollenge waas 5,5 in 1816, man Schulte nimt oun, dät ju foar allere Tieden weegen minner goude Gesuundegaid läiger waas un skätset ju ap 5.

Ienwoonertaal fon Seelterlound truch do Jierhunnerte.

Sien Resultoate sunt mäd Anluukenge fon Statistike uur ju näiere Tied roat in ju Tabelle gans hierunner un in ju graphiske Deerstaalenge hier ieuwenske. In allere Tieden waas ju Befoulkenge man littek, mäd wier n Touräächgong bit 1651, wäil weegen dän Trüütichjierige Kriech. Ätter 1800 roate dät ne stäärke Tounoame truch ju Feenkolonisation an do Buuteskeede (Idafeen, Elisabethfeen), ju deer fuul Froamde ounbroachte.
Truch ju Foankultivierenge noom ju effektive Uurfläche fon Seelterlound mäd do Jiere wäil bit dät Tjoonfache tou, so dät fuul Lieuwendsruum foar näie Bewoonere äntstuude. So koomen uum 1920 do uut Aast-Pommern ferdrieuwene Pomeraner in Seedelsbierich un uum 1949 rakt dät dan noch wier äkstroa ne Spitse truch do Aastfluchtlinge, do leeter toun Deel wier wächlooken. Deertruch waas ju Befoulkenge in 1964 wier läiger, man ätters koomen daach wier fuul moor bietou, so ätter 1991 do Ruslounddüütske in Roomelse. Uur do Sproaken sjuch bie Sproakstatistik.
Apstuuns is Seelterlound mäd 12.869 Ienwoonere (31.12.2006) ap ne Fläche fon 123,5 km, dät is 104 pro km, al relativ ticht befoulked (juun 110 pro km foar dän ganse Loundkring Kloppenbuurich).

Ienwoonertaal[Beoarbaidje | Quelltext bearbeiten]

Huushollengen

Jier Strukelje Roomelse Skäddel mädnunner Persone
1473 39 44 60 143 715
1535 39 51 54 144 720
1549 47 59 57 163 815
1568 59 59 55 173 865
1606 60 58 66 184 920
1630 61 62 47 170 850
1651 34 36 34 104 520
1665 40 61 65 166 830
1674 52 64 65 181 905
1713 49 - 80 - -
1749 55 62 108 225 1125
1816 115 104 113 332 1822
1855 173 158 159 490 2450
1895 472 171 158 801 4005
1910 619 216 195 1030 5015
1933 792 345 426 1565 7825
Ienwoonere
1949 9500
1964 3430 2299 3317 9046
1970 8259
1980 8454
1990 9614
1995 12221
2007 12869

Do Taalen fon 1970-1990 sunt nit apaat in ju graphiske Deerstaalenge feroarbaided wuuden.
ätter Kollmann; rakt wuudelk 5,5 Person pro Huushollenge.
deerfon 2390 Aastfluchtlinge.

Literatuur[Beoarbaidje | Quelltext bearbeiten]

  • Paul Kollmann, Der Umfang des friesischen Sprachgebietes im Grossherzogtum Oldenburg, Zeitschrift des Verein für Volkskunde, 1, Berlin 1891:377-403.
  • Heinrich Schulte, Das Saterland als friesisches Land (24), Heimatblätter, Beilage zur oldenburgischen Volkszeitung 33-40 (1952-1959). Mädnunner 41 Sieden.
  • Mechthild Schwalb, Die Entwicklung der bäuerlichen Kulturlandschaft in Ostfriesland und Westoldenburg. Bonn 1953.


Ferbiendenge ätter buuten[Beoarbaidje | Quelltext bearbeiten]