Theo Griep

Uut Wikipedia
Wikselje tou: Navigation, Säike (08)
Theo Griep, 1958
Dät oolde Fräiske Huus fon Theo Griep uut 1839, Bielde: Th. Deddens, 1952
Ne Hochtied bie ju Familie Griep, 1920

Theodor Griep wier n seelter Skrieuwer. Hie is bädden dän 27. Oktober 1916 in Skäddel un waas deer Buur un loangjierich Meeglid fon dän Meenteräid foar ju CDU. Theo Griep is dän 15. Moai 2007 stuurwen.

Hie waas aan fon dän Tweelwerräid fon dän oolde Seelterbuund fon 1952. Leeter fäng hie oun tou Seeltersk skrieuwen.

In 1999 häd Theo Griep touhoope mäd Pyt Kramer dät Bouk Seelter Seeken skrieuwen. In dät Bouk sünt aal do oolden Seelter Roupnoomen apskriewen wuuden. Ieuwenske ju Roupnoomen fon Skäddel und Seedelsbierich siet 1820 uut dän Ätterläit fon Pestoor Schulte sunt där uk do oolden Roupnoomen fon Roomelse un Strukelje beskrieuwen. Uk is in dät Bouk dät Äntstouden fon do Skäddeler Buurskuppe truch Theo Griep oarich goud beskrieuwen.

Tou ju Tied uum dät Jier 2000 was Theo Griep boalde die lääsde oolde Skäddeler, die noch gjucht goud ap dät Gebied fon ju Skäddeler Heematkunde Beskeed wiste.

Ju Familie Griep rakt dät al siet dät Jier 1606 in Skäddel.

Wierke[Beoarbaidje | Quelltext bearbeiten]

  • Seelter Seeken, mäd Pyt Kramer un uurswäkke, 1999. Deer sammelde hie Huusnoomen un Huusriemsele fon Skäddel un Roomelse un skreeuw uk uur ju Geskichte fon Skäddel.
  • Twiske Ticheläi un Baarenbierich, Dööntjene, Gedichte un Tiedgeschichte uut un ätter dän twäide Waareldkriech, 2002.
  • Die Besiedlung des Dorfes Sedelsberg (ap Düütsk), 2002.
  • Uk lääwerde hie moorere Texte foar Marron C. Fort, Saterfriesische Stimmen, 1990.

Sjuch uk:[Beoarbaidje | Quelltext bearbeiten]

Ferwiesengen[Beoarbaidje | Quelltext bearbeiten]

oldwikisource Wikisource: Seelter Seeken – Wällensammelenge

Ferbiendengen ätter buuten[Beoarbaidje | Quelltext bearbeiten]

  • Seelter Seeken as PDF-Doatei, hääruutroat fon Theodor Griep un Pyt Kramer. Sälwenferlaach, 1999.
  • Ju Familie Griep ap Internet [1].