Taks

Uut Wikipedia
Taks
Meles meles
Taks (Meles meles)
Systematik
Oardenge: Roowdierte (Carnivora)
Uurfamilie: Canoidea
Familie: Moddere (Mustelidae)
Unnerfamilie: Taks-Äänelke (Melinae)
Sleek: Meles
Oard: Taks Meles meles

Die Taks (Meles meles) is ne Oard fon Modder. Hie is, wät oawers striedich is, fielicht ju eensichste Oard fon dän Sleek Meles. In ju Fäksproake naamt me sun Taxon, dät der bloot een Unnertaxon häd, n monotypisk Taxon. Buute ju Nominatfoarm rakt dät ook ju Unneroard Meles meles anakuma uut Deele fon Japan. Wan disse Unneroard nu, as moonige Wietenskuppere leeuwe, daach ne oaine Oard is, is die Sleek daach nit monotypisk.

Määrkmoale[Beoarbaidje | beoarbaidje Wältext]

Die Taks häd ne Kop- un Rumploangte fon 56 - 90 cm, ne Stäitloangte fon 11,5 - 20,2 cm un n Gewicht fon normoal 10 - 16 kg. Juu Bupperkaante fon n Taks is gries, juu Unnerkaante mäd juu Kääle dunker. Die Taks häd ap älke Siede fon dät in't algemeen wiete Gesicht n dunkeren Loangsstriepe.

Lieuwendsruum[Beoarbaidje | beoarbaidje Wältext]

Dät rakt Takse ap dät Fäästlound fon Europa, ap do britiske Ailounde, ap moonige Middelmeer-Ailounde (toun Biespiel Kreta, Rhodos un Sizilien). Dät rakt uk Takse in Asien, nämmelk in Japan, Palästina, Iran, Tibet un in dät suudelke China. In düt Gebiet kumt hie in Woolde un uur ticht bewoaksene Loundskuppe foar. Deer lieuwet hie in Baue unner ju Äide. Mongs woonje n Taks un n Foaks in dän sälgen Bau!

Kost[Beoarbaidje | beoarbaidje Wältext]

Die Taks is n Allesfreeter, dät hat, hie frät Flaask un vegetariske Kost. Gnauer gekweeden frät hie litjere Suugedierte, Fuugele, Poagen, Moaden fon Iemen un Häspen, Sniggen, Oas, Nuuten, Äkkenen, Bäien, uur Fruchte, Säid, Knullen, Stubben un Piltse.

Unneroarden[Beoarbaidje | beoarbaidje Wältext]

Sjuch uk[Beoarbaidje | beoarbaidje Wältext]

Wikimedia Commons Klik hier foar moor touheerige Mediendoatäie ap Wikimedia Commons.

Wällen[Beoarbaidje | beoarbaidje Wältext]

Oankelde Ätterwiese[Beoarbaidje | beoarbaidje Wältext]


Uur Wällen[Beoarbaidje | beoarbaidje Wältext]