Färöer

Uut Wikipedia
Wikselje tou: Navigation, Säike (08)
Steede fon do Färöer in de Noudatlantik.
Kaart Faeröer.png
Tinganes in Tórshavn, Sit fon do Behöörde

Do Färöer sunt ne Ailoundgruppe in dän Noudatlantik, twiske dät Fereeniged Köönichriek, Norwegen un Ieslound. Touhoope sunt do Ailounde n autonoom Gebiet fon Dänemark. Haudstääd is Tórshavn. Do Färöer bestounde uut 18 Ailounde, deerfon sunt 17 bewoond mäd n Ienwoonertaal fon 48.856 (2009).

Do Faeröer sunt siet dät 9.Jierhunnert fon Norwegen häär besiedeld wuuden. In dät 11. Jierhunnert wuuden do Ailounde Besit fon dän norwegiske Köönich. As Norwegen sälwen Deel fon Dänemark wuuden, koomen do Faeröer uk unner ju deenske Kroune. Ätters is dät so blieuwen, uk ätter dät Norwgeen eerste sweedisk un leeter oainständich wuude. In dät Jier 1948 kreegen do Ailounde wiedgungende Sälwenferwaltenge. Do Faeröer heere nit tou ju Europäiske Union.

Muugelk sunt dät do Färöer Ailounde weesen do aal touhoope in dät 17. un 18. Jierhunnert as een Ailound mäd Noome Frislân oubielded wieren ap Seekoarten. Man die Ferbeend mäd Fräislound is noch nit düütelk.

Geographie[Beoarbaidje | Quelltext bearbeiten]

Die hoochste Bierich fon ju Inselgruppe is Slættaratindur mäd 882 Meter. Dät rakt 18 Ailounde, wierfon 17 bewoond sunt. Dät grootste Ailound Streymoy is uur ne Brääch ferbuunen mäd dät twäidegrootste, Eysturoy.

Do 17 bewoonde Ailounde sunt:


Dät achtiende uunbewoonde Ailound is Lítla Dímun.

Befoulkenge[Beoarbaidje | Quelltext bearbeiten]

Ap aal do Ailounde woonje mädnunner sun 48.000 Ljuude. Do maaste Moasnskene, sowät 92%, kuume fon do Färöer sälwen. Uur Gruppen sunt Dänen, Isloundere un Gräinloundere. Norweger un Poole sunt ächte Minnertaale ap do Ailounde. Ju eerste Sproake ap dät Ailound is dät Färöiske, dät fon uungefeer 44.000 Moanskene boald wäd un dät Fründ is tou dät Isloundske. Ju uurde Sproake ap do Färöer is dät Deenske.