Ieslound

Uut Wikipedia
Wikselje tou: Navigation, Säike (08)
Republik Ieslound
Flaage fon Ieslound Woapen fon Ieslound
Woalspruch: -
Nationoalhymne: Lofsöngur
Steede fon Ieslound
Amtssproake Iesloundsk
Haudstääd Reykjavík
Stoatsfoarm Republik
Flakte
% Woater
{{{Flakte}}} km²
2,7%
Ienwoonere 319.756
Munte Iesloundske króna (ISK)
Tiedzone UTC +0
Fierdai -
Loundkode ISL
Auto-Känteeken -
Internet TLD .is
Telefonfoarwoal +354

Ieslound (is. Ísland) is n Lound in Noud-Europa. Ju Haudstääd is Reykjavík un die Präsidänt fon ju Republik is sänt 2008 Ólafur Ragnar Grímsson.

Geographie un Geologie[Beoarbaidje | Quelltext bearbeiten]

Dät Haud-Ailound Ieslound un eenige uumelääsende litjere Ailounde, do Deel fonne Republik Ieslound sunt, sunt vulkoaniske Ailounde ap n Middel-Atlantisken Rääch.

Ieslound häd ne Flakte fon 103000 km², ju tou 62.6% uut wöist Lound, tou 23.1% uut Vegetation, tou 11.6% uut Glitskere un tou 2.7% uut Seen bestoant.

Do maaste Ljuude lieuwje an do Kusten, wült die Hauddeel fon't Ailound fon vulkoanisk wöist Lound un Glitskere iennuumen wäd. Düsse Gebiete sunt bolde uunbewoonboar. Ju Haudstääd un grootste Stääd fon Ieslound, Reykjavík, lait ainewaiens twiske dät Wääste un dät Suudwääste fon Ieslound.

Wirtskup[Beoarbaidje | Quelltext bearbeiten]

3% fon do Ljuude oarbaidje in ju Buuräi (Bäiste, Iesloundske Skäipe un Hoangste juust so as Gewäkshuuse, wier sogoar Bananen ounbaud wäide), 3% gunge wai tou fiskjen, 20 % oarbaidje in ju Industrie un 70 % oarbaidje in n Tjoonstlaistengs-Sektor. Fääre sunt ätterwoaksende Energie un Resourcen in ju See gjucht wichtich in Ieslound, deeruum dät die Stoat ne goude Loage foar Fiskjen häd un do geologiske Uumstounde goud foar geothermiske Energie sunt.

Ju Munte fon Ieslound hat "Iesloundske króna (ISK)"

Ieslound wuude läip fon ju Finanzkrise träfd, man fon eenige wäd optimistisk foaruuttäld, dät sik ju Wirtskup bit 2011 wierhoalje wol. Gruunde deerfoar skällen "uumewaareldfjuntelke Nutsenge fon skeene Energie un Resourcen in ju See, unnerstutsed fon goude Infrastruktur, n goud fundierd Pensions-System, Kultuur fon Innovation un ne junge un goud bildede Befoulkenge" weese.

Politik un Geskichte[Beoarbaidje | Quelltext bearbeiten]

Ieslound wuude in't Jier 1918 uunouhongich fon Dänemark un is sänt 1944 ne Republik. Die Präsident fon Ieslound is Olafur Ragnar Grímsson un ju Premierministerske is Jóhanna Sigurðardóttir (Samfylkingin, ne sozioal-demokratiske Paatäi). Dät Parlament fon Ieslound is dät Alþingi, dät as ooldest aktiv Parlament fon ju Waareld beteekend wäd, man däälich daach gjucht uurs funktioniert as in't Middeloaler.

Ieslound is neen Lid fon ju Europäiske Union, man häd in 2009 aasked, een Lid tou wäiden.

Wällen[Beoarbaidje | Quelltext bearbeiten]

Gateway to Iceland (al 2009 ätterkieked)


Wiki letter w.svg
Dissen Artikkel is n Stump.

Hälp jädden deeran mee, dät tou ferbeeterjen.