Dantumadiel

Dantumadiel is ne Meente in ju Provinz Fryslân, in do Niederlounde. Dät Gebiet fon ju Meente is 87,49 km² un deer woonje 19,465 Moanskene (2007).

Sit fon ju Meente is in Damwâld. Uure Steeden in ju Meente sunt Broeksterwâld, Driezum, De Falom, Feanwâlden, Rinsumageast, Readtsjerk, Sibrandahûs, Wâlterswâld un De Westereen.

In Feanwâlden stound ju eensige äärhooldene Stins fon Fryslân, ju bekoande Skierstins.

In dät Täärp Moarrewâld in ju fröiere Meente Damwâld häd Dr. Jacob Botke, die in do 1930-er Jiere dät Seelterlound moorere Moale besäiked häd, fon 1896-1898 as Koaster oarbeidet. In Damwâld sunt ne Sträite un ne Skoule ätter Dr. Botke naamd.

Ferbiendenge ätter buuten

Websteede fon ju Meente Ängelsk, Düütsk, Niederlounsk, Wääst-Fräisk

Meenten in ju Provinz: Fryslân (do Niederlounde)
Achtkarspelen \| Amelound \| Dantumadiel \| De Fryske Marren \| Eaststellingwerf \| Flielound \| Harns \| It Hearrenfean \| Ljouwert \| Noardeast-Fryslân \| Opsterlân \| Schiermönkooge \| Skylge \| Smellingerlân \| Súdwest-Fryslân \| Tytsjerksteradiel \| Waadhoeke \| Weststellingwerf