2015

Uut Wikipedia
Jierhunnert: 20. Jierhunnert · 21. Jierhunnert · 22. Jierhunnert
Jier: < · 2013 · 2014 · 2015 · 2016 · 2017 · >
Kalännere
Gregorioansken Kalänner 2015
MMXV
ab urbe condita 2768
Armeensken Kalänner 1464

ԹՎ ՌՆԿԴ

Chineesken Kalänner 4711 – 4712

辛午 – 壬未

Äthiopisken Kalänner 2007 –2008
Hebräisken Kalänner 5775 – 5776
Hindu-Kalännere
- Vikram Samvat 2070 – 2071
- Shaka Samvat 1937 – 1938
Iroansken Kalänner 1393 –1394
Islamisken Kalänner 1437 –1437

Foarfaale[Beoarbaidje | beoarbaidje Wältext]

  • 1. Januoar: Litauen wäd dät njuugentienste Lid fon ju Euro-Soone
  • 7. Januoar: Bie n islamistisken Terror-Sleek truch twäin Kampere fon Al-Qaida in dän Jemen ap ju frantsööske Satire-Tiedskrift Charlie Hebdo wäide in Paris tweelich Moanskene uumebroacht.
  • Solidoaritäts-Demonstratsjoon ätter dän Terror-Oungriep, 7. Januoar 2015 in Straßburg
  • 8. Januoar: N Terrorist skjut in Paris ne Dreguunerske dood.
  • 9. Januoar: Die Terrorist, die dän foarige Dai ju Dreguunerske möärend häd, uurfaalt n juudsken Supermäärket, deer hie noch fjauer Ljuude moor dooded un moor as Jeesele nimt. Hie bekant sik tou dän IS. Die Terrorist wuude ätters fon Dräguunere doodskeeten.
  • 9. Januoar: Do Terroristen fon Charlie Hebdo wäide in Dammartin-en-Goële, wier jo sik ferstopped hääbe, fon Dreguunere doodskeeten.
  • 26. Januoar: Befräienge fon ju Stääd Kobanê truch kurdiske Troppen in dän Kriech juun IS-Terroristen.
  • 24. Meerte: Germanwings-Floach 9525 - Aan Fljooger fon Germanwings fljucht juun aan Bierich in do suudfrantsööske Alpen, uumdät sik Co-Pilot uumebrange wol. Aal do hunnertfüüftich Ljuude in ju Maskiene stierwe.
  • 27. Februoar: Die ruske Opositsjoonelle Boris Jefimowitsch Nemzow wäd midde in Moskau doodskeeten. Sien Möärendere kuume uut Tschetschenien un uur Kaukasus-Republiken.
  • 2. April: Bie n Terror-Oungriep ap dät Garissa University College truch ju islamistiske Al-Shabaab-Miliz uut Somalia wäide in ju Stääd Garissa in Kenia sowät hunnertfüüftich Moanskene möärend un masse uur ferseerd.
  • 12. April: In't Internät wäd n Video fon dän IS eepentelk moaked, deeroane ju Sprängenge un weerskienelk ju totoale Fernäilenge fon ju ooldorientoalske Stääd Nimrud in dän Irak tou sjoon is.
  • 20. Moai: Ju antike Stääd Palmyra in Syrien faalt in do Hounden fon dän Islamisken Stoat. Wäkke Kunstwierke sunt seekerstoald wuuden, man deer blift noch fuul, wät do Terroristen in ju Foulgetied fernäile.
Die Baal-Tempel fon Palmyra in 2010. In 2015 is hie fon dän IS läip fernäild wuuden.
  • 7. un 8. Juni: G7-Mäitenge - Do Fertreedere fon ju G7 mäite ap Slot Elmau in Bayern. Jo wollen monken uur Seeken ju Dekarbonisierenge fon ju Waareldwirtskup wilst dät 21. Jierhunnert roakje.
  • August un September: Moorere Broundlääsen un uur Oungriepe ap Flüchtlings-Heeme in Düütsklound.
  • 17. Juni: Ju ungariske Regierenge beslut, dät Skeed tou Serbien mäd ne Teenelse juun Flüchtlinge tou ferspeeren.
  • 14. Juli: Ju Ruumtesonde New Horizons roaket as dät eerste fon Moanskene baude Objekt dän Dwäärch-Planet Pluto
  • 18. August: Chālid al-Asʿad, foar fjautich Jiere archäologisken Boas in ju antike Stääd Palmyra kricht eepentelk fon IS-Terroristen dän Kop ousnieden, uumdät hie wäil uk unner Pienigenge nit ferräide wüül, wier antike Skätte uut Palmyra ferstopped sunt.
  • 21. August: In ju saksiske Stääd Heidenau begint n Protäst fon moor as duusend deelwiese gjuchtsextreeme Ljuude, do uk mäd Gewalt fersäike, ju Apnoame fon dän Bedrieuw fon n Flüchtlings-Heem tou ferhinnerjen. Dät skuul moorere Deege duurje.
  • 27. August: Bie Parndorf in Aastriek wäd n Lastwoain mäd eenunsoogentich doode Flüchtlinge fuunen. Die Fierder waas nit moor deer.
  • 2. September: Aan Mon, die Droogen nuumen häd, tringt in een Flüchtlings-Heem in Halbe (Brandenbuurich) ien un gript do Bewoonere mäd Pieper-Spray oun. Hie ferseert 35 Ljuude, wierfon 14 (deerfon 5 Bäidene) in't Kroankenhuus mouten.
  • 11. September: Wilst n Stoarm faalt in Mekka n Baukroan ap ju Groote Moschee al-Masdschid al-Harām, sodät hunnert Ljuude stierwe un sowät twohunnertfjautich ferseerd wäide.
  • 18. September: Ju Apkloorenge fon dät Ougas-Skandal begint. Millionen Fiertjuuge, besunners Diesel-Autos fon Volkswagen, häbe illegoale Middel ienbaud, uum sik Ougas-Kontrollen tou skummeljen.
  • 10. Oktober: In ju turske Haudstääd Ankara wäd ne Demonstratsjoon foar dän Free, ju fon ju kurdisk dominierde Paatäi HDP organisierd is, fon Terroristen oungriepen. Hunnerttwo Ljuude stierwe, moor as fieuwhunnert wäide ferseerd.
  • 17. Oktober: Ju Kölner Upperburgemääster-Kandidoatinne Henriette Reker wäd fon n Neo-Nazi mäd n Soaks oungriepen un läip ferseerd, uumdät ju sik foar Flüchtlinge iensät häd.
  • 18. Oktober: Noch in't kunstelke Koma wäd ju läip ferseerde Henriette Reker foar ju Upperburgemäästerske fon Köln kädden.
  • 13. November: Bie Terror-Ounsleeke, wier dät Skjooteräien, Säärm-Moort-Attentate mäd Bumben un Jeeselnoamen rakt kuume 130 Moanskene uum't Lieuwend un 352 wäide ferseerd, deerfon 97 besunners läip. Do Terroristen bekanne sik tou dän IS. Do Terroristen fersäike, een Foutbaalspil in't Stade de France tou atakkierjen, wät nit slumpet, man hääbe Ärfoulch bie hiere Oungriepe in Sträiten, Weershuuse un foar aaln in dät Tjooter Bataclan.
  • 7. Dezember: In een Flüchtlings-Heem wäd fon unbekoande (fermoudelk Neonazis) Fjuur laid. Tjoon Ljuude (deerfon een Baby) wuuden ferseerd un moasten deelwiese in't Kroankenhuus.
  • 31. Dezember / 1. Januar 2016: Foar aaln in Köln, man uk in uur düütske Stääde rakt dät in ju Silvesternacht kriminelle, deelwiese sexuelle Uurgriepe besunners juun Wieuwljuude. Ätter masse Begjuchte skäl n grooten Deel fon do Ferbreekere Arabisk boald hääbe, masse deerfon skällen aan noudafrikoansken Bäätergruund hääbe.

Stuurwen[Beoarbaidje | beoarbaidje Wältext]

Ättergjuchte uur Seelter Seeken[Beoarbaidje | beoarbaidje Wältext]