Universität Groningen

Uut Wikipedia
Dät Akademiebauwierk

Ju Universität Groningen is ju ooldeste Universität in do fräiske Lounde un ju twäädooldeste Universität in do Niederlounde. Ju wuude ap n 23. August 1614 in Groningen gruunded. Bit tou 1876 waas ju Unnergjuchtsproake Latien. Die eerste Rektor waas Ubbo Emmius. 2011 hiede ju Universität uungefeer 28.200 Studänte un 6.000 Mädoarbaider. Ju Universitätsbiblioteek is ju twäädgrootste in do Niederlounde ätter ju Universitätsbiblioteek fon Leiden.

Ju Universität häd fuul bekoande Studänte häiwed so as dän Nobelprieswinner Zernike, dät eerste Wieuw dät in do Niederlounde studierte Aletta Henriëtte Jacobs, die eerste niederloundiske Ruumfoarder Wubbo Ockels, as uk dän eersten Präsidenten fon dän Europäisken Säntroalbank Wim Duisenberg.