Roubaix

Uut Wikipedia
Roubaix
Dät Räidhuus fon Roubaix Woapen fon Roubaix
Dät Räidhuus fon Roubaix

Woapen fon Roubaix
Woapen fon Roubaix

Statistieke
Ienwoonertaal 95.866 (2013)
Fläche 13,23 km²
Befoulkengstichte 7.246 Ienw. km²
Höchte 35 m. buppe N.N. (17–52 m)
Politik
Lound Frankriek
Region Hauts-de-France
Departement Nord (59)
Buurmäster Guillaume Delbar
Uur
Postleittaal 59100
Tiedzone UTC +1
*Suumertied UTC +2
Koordinoaten 50° 41′ N, 3° 10′ E
Websiede www.ville-roubaix.fr

Roubaix (Niederloundsk: Robaais of aller Roodebeke) is ne oolde industrielle Stääd in dät Noude fon Frankriek, in dän suud-aastelken Deel fon ju aleer Provinz Frantsöösk-Flandern, apnaisten fon dät belgiske Skeed. Ju Stääd is uk ne Meente un lait in dät frantsööske Departement Nord[1] in ju Region Hauts-de-France,[2] mäd ne Flakte fon sowät 13 km².

Roubaix häd ungefeer 96 Duusende Ienwoonere, un is deermäd ätter Lille un Amiens ju träädgrootste Stääd fon ju Region. Touhoope mäd do Noaber-Stääde Lille, Tourcoing, Villeneuve-d'Ascq un 86 uur Meenten, bildet ju Stääd n Metropoolregion bekoand unner dän Noome Métropole européenne de Lille,[3] wier moor as 1,1 Million Ljuude woonje.

In ju Midde fon dät njuugentiende Jierhunnert wuude Roubaix dät Säntrum foar Tekstil-Industrie fon Noud-Frankriek, wilst ju Industrielle Revolutsjoon in dät Lound begint. Deertruch wuuks ju Taal Ienwoonere fon 8.091 in 1800 ätter 124.661 in 1896. Unner dät Woaksdumstied, weegen sien ekonomiske un soziale Äntwikkelenge, kreech ju Stääd dän Spitsnoome „Frantsöösk-Manchester“.

Däälich is ju Stääd foarallen bekoand as die Ankumstplakke fon dän Flitsepee-Wädstried Paris – Roubaix.

Partnerstääde[Beoarbaidje | beoarbaidje Wältext]

Do Partnerstääde fon Roubaix sunt:

Ferbiendengen ätter buuten[Beoarbaidje | beoarbaidje Wältext]

Commons Commons: Roubaix – Sammelenge fon Bielden, Filme un Heerdoatäie

Wällen, Anmäärkengen un Ätterwiesengen[beoarbaidje Wältext]

Wällen, Anmäärkengen un Ätterwiesengen:

  1. Noude
  2. Bupper-Frankriek
  3. Europäiske Metropool fon Lille