Quintus Ennius

Uut Wikipedia

Quintus Ennius (* 239 f. Kr. in Rudiae (Apulien); † 169 f. Kr.) waas aan roomsken Dichter. Hie wude mäd touminst tjo Sproaken groot (Latiensk, Oskisk un Griechisk) un fierde truch fräie Latienske Ätterdichtengen fon griechiske Skrieuwere (t.B. Euripides) ful uut ju griechiske Literatuur in ju roomske Kultuur ien. Nit bloot fon dän Ienhoold, man uk in ju Färsmäite broachte hie een Näihaid uut dät griechiske: dän Hexameter. Deertruch koomen allere, uurspröängelk italiske Färsmäiten (Saturnier) uut ju Moude. Ennius jält as Foar fon ju latienske Dichtenge, uumdät sik ful leetere bekoande Dichtere sien Wierk as Foarbielde nuumen häbe.