Panama-Woaterswien

Uut Wikipedia
Zur Navigation springen Zur Suche springen
Panama-Woaterswien
Panama-Woaterswiene (Hydrochoerus isthmius)
Panama-Woaterswiene (Hydrochoerus isthmius)
Systematik
Oardenge: Gnauedierte (Rodentia)
Unneroardenge: Stiekelswien-Sibskup (Hystricomorpha)
Deeloardenge: Hystricognathi
(Sunner Stappe) Meerswien-Sibskup (Caviomorpha)
Familie: Meerswiene (Caviidae)
Unnerfamilie: Hydrochoerinae
Sleek: Woaterswiene (Hydrochoerus)
Oard: Panama-Woaterswien
(Hydrochoerus isthmius)
Beskrieuwen fon GOLDMAN, 1912

Dät Panama-Woaterswien (Hydrochoerus isthmius) uk wäil Panama-Capybara, is een Suugediert uut ju Oardenge fon do Gnauedierte. Aleer heelt me dät foar een Unneroart fon't Meene Woaterswien (Hydrochoerus hydrochaeris), man sänt do 1990er Jiere sjucht ju Wietenskup fuul, wät deerfoar spräkt, dät dät een oaine Oard is. Dät Panama-Woaterswien is fon Natuur uut tou fienden in't aastelke Panama, dät noudelke Kolumbien un dät noudwäästelke Venezuela.

Merkmale[Beoarbaidje | Quelltext bearbeiten]

Dät Panama-Woaterswien is litjer as dät Meene Woaterswien, uurs lät dät so äänelk. Dät roaket een Kop-Rump-Loangte fon sowät aan Meeter. Ju Faawe gungt fon'n tjuusterch roodbruun bit dump leemfaawich, deerbie is die Buuk normoal wät ljoachter as die Rääch. Bie wäkke Dierte sunt Gesicht, Sooken, die bäätere Rump-Beriek un do buutere Sieden fon do bääterste Beene swot-bruun. Do Oogenringe, do Snuutensieden un do Plakken oun'e Basis fon't Oor sunt bleeker. Do Oore un Fäite sunt bruun.

Die Skäädel hät een Loangte fon sowät 20 cm. Do Foutsätte fon dän Flöägelbunke sunt kuuter, tjukker un runder as do fon't meene Woaterswien. Do Twiskekeeuwebunken (Prämaxilloare) eendje mäd een ferbreederd Faander-Eende sjuunelk foar dät Eende fon do Sniedetusk-Höölen, bie't Meene Woaterswien is deer fuul minner Ruumte twiske. Dät Genom bestoant uut 2n = 66 Chromosomen insteede fon do 64 Chromosomen fon dät Meene Woaterswien.

Wällen[Beoarbaidje | Quelltext bearbeiten]

  • Düssen Artikkel foutet grootstendeels ap dän Artikkel fon ju düütsksproakige Wikipedia.