NATO

North Atlantic Treaty Organisation Organisation du traité de l'Atlantique nord
Amtssproake	Ängelsk, Frantsöösk
Haudquartier	Brussel
Generoalsekretär	Jaap de Hoop Scheffer
Meeglied	26 Lounde
Gruunded	4 April 1949

Ju Noud-Atlantiske Ferdraachsorganisation (NAFO), is ne internationoale Organisation foar kollektive Sicherhaid, gruunded in 1949, truch dän Noud-Atlantiske Ferdraach, unnerteekend in Washington, Fereende Stoaten ap 4. April 1949. Dät Haudquartier häd sien Sit in Brussel, Belgien. Internationoal wäd oafte ju Ängelske Oukuutenge NATO, foar North Atlantic Treaty Organisation bruukt. Ap Frantsöösk is dät OTAN, l'Organisation du traité de l'Atlantique nord; Ängelsk un Frantsöösk sunt do two eepentelke Sproaken in disse Organisation.

Generoalsekretär fon ju NATO

Die Generoalsekretär fon ju NATO (in dät Ängelske die Secretary General of NATO) is die Fertreeder fon die Noud-Atlantiske Roat (North Atlantic Council), dät hööchste Ferwaltengsorgoan fon ju Noud-Atlantiske Ferdraachsorganisation (NATO).

Disse hööchste Zivilsteede fon ju NATO wäd traditionell beklat fon n Europäer, wüülst die hööchste Militär gewöönelk n Amerikoaner is.

Generoalsekretäre:

1. 1952 - Lord Ismay (Groot-Britannien)
2. 1957 - Paul-Henri Spaak (Belgien)
3. 1961 - Dirk Stikker (Niederlounde)
4. 1964 - Manlio Brosio (Italien)
5. 1971 - Joseph Luns (Niederlounde)
6. 1985 - Peter Carington (Groot-Britannien)
7. 1988 - Manfred Wörner (Düütsklound)
8. 1994 - Willy Claes (Belgien)
9. 1995 - Javier Solana (Spanien)
10. 1999 - George Robertson (Groot-Britannien)
11. 2004 - Jaap de Hoop Scheffer (Niederlounde)

Meeglid

Do lounde die meeglied n ju NATO sunt:

Wuuks fon do NATO-Meegliedere bit tou 2005.

Belgien Bulgarien Dänemark Düütsklound Estlound do Fereende Stoaten fon Amerikoa Frankriek Griechenlound Groot-Britannien Ieslound Italien Kanada Letlound

Litauen Luxembuurich do Niederlounde Norwegen Polen Portugal Rumänien Spanien Slowenien ju Slowakäi Tschechien Turkäi Ungarn

NATO Unnersäikengs- un Technologie-programme

NAFO häd apstuuns tjo Soarten fon Unnersäikengs- un Technologie-organisatione:

• NAFO unnersee Unnersäikengs-Zentrum (Ängelske Oukuutenge NURC)
• Unnersäikengs- un Technologie-Agentur (Ängelske Oukuutenge RTA)
• NAFO Beräidengs-, Befeel- un Anstjuurengs-Agentur (Ängelske Oukuutenge NC3A)

Litje Chronologie

• 1949 - Grüündenge ap n 4. april. Unnerschrieuwen fon: Belgien, Kanada, Frankriek, Luxembuurich, Niederlounde, Groot-Britannien, do Fereende Stoaten, Dänemark, Ieslound, Italien, Norwegen un Portugal.
• 1952 - Toutreedenge Turkäi un Griechenlound
• 1955 - Toutreedenge Wääst-Düütsklound. Grüündenge fon dät Warschaupakt
• 1961 - Bau fon ju Berlinske Muure; die Iersene Foarhong
• 1966 - Uuttreedenge Frankriek uut ju militäre Struktur, oaber nit uut ju politiske Struktur
• 1982 - Toutreedenge Spanien
• 1989 - Faal fon ju Berlinske Muure
• 1990 - Düütske Wierfereenigenge
• 1991 - Eende Warschaupakt
• 1999 - Toutreedenge Polen, Tschechien un Ungarn
• 1999 - Operation/Mission in Kosovo
• 2004 - Toutreedenge Bulgarien, Estlound, Letlound, Litauen, Rumänien, Slowakäi n Slowenien

Lieste fon NATO Operatione

• Baltic Air Policing
• Operation Sharp Guard
• Operation Joint Endeavour
• International Security Assistance Force

Ferbiendengen ätter buuten

• Website fon ju Noud-Atlantiske Ferdraachsorganisation.