Mäid

Uut Wikipedia
Gäärsmjoon in Skotlound

As Mäid beteekent me Gäärslound, dät truch Mjoon fon ju Ferbuskenge fräiheelden wäd (uurs as ne Weede, wier Huusdierte dät uurnieme).

Wiertou ju bruukt wäd[Beoarbaidje | beoarbaidje Wältext]

Ne Mäid wäd bruukt, uum Hoo of Siloasje as Fäi-Fodder tou winnen, oaber toumäts uk uum der Fruchteboome ap tou plontjen. Fääre kon me Baulound ne Wiele wäst lääse läite, uumdät sik die Gruund ferhoalje kon. Wan ju Mäid riek an blöiende Bloumen is, is ju uk goud foar ju Imkeräi (as Iemen-Weede). Fonsäärm is sunne Mäid dan uk foar wüüld lieuwjende Insekten un uur Dierte n goadelken Lieuwendsruum, uk wan ju neen Natuur-, man ne Kultuurloundskup is.

Steede[Beoarbaidje | beoarbaidje Wältext]

Do Mäide liegen fröier aal in dät läige Lound bie de Äi, wäil deeruum dät do mäd de Saise mäind wäide kuuden. Bäiste wüülen dät Gäärs in wäite Tieden fertrappelje. Wüült do Loundnoomen ap -Mäid maast sunner Persoonenoomen touhoopestoald sunt, belukt dät sik wäil maastens ap uursproangelk gemeenskuppelke Gruundstukke.