Köönichriek Prüüsen

Woapen fon't Köönichriek Prüüsen as Deeltstoat fon't Kaiserriek Düütsklound

Dät Köönichriek Prüüsen waas n historisk Lound, dät ne groote Rulle in ju Düütske un europäiske Geskichte spielde. Dät äntstuude ap dän 18. Januoar 1701 truch ju Krounenge fon dän brandenbuurichsken Kurfürst un prüüsken Heertoach Freerk III. toun Köönich Freerk I. in Prüüsen. In't Foaren roate dät Prüüsen uk al, do waas dät dät Heertoachdum Prüüsen.

Dät Köönichriek Prüüsen waas eerste n Deelstoat fon't Hillige Roomske Riek (dät nit moor fuul Betjuudenge hiede) bit düt in 1806 sien Eende foont. Ätters waas dät n poor Jiertjaande oainstoundich. Twiske 1871 un 1918 waas dät Köönichriek n Deelstoat fon't Kaiserriek Düütsklound un die prüüske Köönich waas uk düütsken Kaiser. Truch ju Outonkenge fon dän Köönich blw. Kaiser ätter dän Eersten Waareldkriech wuude Prüüsen toun Fräistoat Prüüsen.

Köönige

• Freerk I. (Köönich fon 1701 bit 1713 tou)
• Freerk Wülm I. (Köönich fon 1713 bit 1740 tou)
• Freerk II. (Köönich fon 1740 bit 1786 tou)
• Freerk Wülm II. (Köönich fon 1786 bit 1797 tou)
• Freerk Wülm III. (Köönich fon 1797 bit 1840 tou)
• Freerk Wülm IV. (Köönich fon 1840 bit 1861 tou)
• Wülm I. (Köönich fon 1861 bit 1888 tou, fon 1871 oun düütsken Kaiser)
• Freerk III. (Prüüsken Köönich un Düütsken Kaiser fon Meerte bit Juni 1888)
• Wülm II. (Prüüsken Köönich un Düütsken Kaiser fon 1888 bit 1918 tou)