Japurá

Uut Wikipedia
Zur Navigation springen Zur Suche springen
Koarte fon't Amazonas-System, die Japurá is faawelk besunners känteekend)

Die Rio Japurá [ˌʒɐpuˈɾa] (Spoansk Yapurá), in dän kolumbioansken Bupperloop Río Caquetá beteekend, is een suud-amerikoanske Äi mäd 2.816 Kilomeetere Loangte, ju fon links in dän Amazonas fljut.

Ferloop fon ju Äi[Beoarbaidje | Quelltext bearbeiten]

Die Río Caquetá äntspringt aastelk fon Pasto in do Anden in't Suudwääste fon Kolumbien, bloot sowät 10 km oawe fon do Wällen fon dän Río Magdalena. Fon junner fljut hie in suudaastelke Gjuchte ätter Brasilien wai, wier hie ap een Fljootsträkke fon 733 km Rio Japurá naamd wäd. Die Japurá is mäd een Woaterfierenge fon in'n Truchsleek 18.600 m³/s ju träädgrootste Sieden-Äi fon dän Amazonas (ätter dän Rio Madeira un dän Rio Negro) Tou dän Rio Negro bestounde Ferbiendengen uur moorere natüürelke Woaterweege. Dät Rebät, wier die Japurá sien Woater fon lukt, häd een Flakte fon 255700 km². In't Ferhooldnis deertou skient ju Äi uuremäite groot, wät fonsäärm deerfon kumt, dät in Deele fon't wäästelke Amazonas-Bäkken een baldoarige Masse Rien faalt. Bie Tefé fljut die Stroom, touhoope mäd litjere Sieden-Ierme, in dän Amazonas.