Guanako

Uut Wikipedia
Guanako
Guanako
Guanako (Lama guanicoe)
Systematik
Uuroardenge: Laurasiatheria
Oardenge: Poorhoufere (Artiodactyla)
Unneroardenge: Swielensoolere (Tylopoda)
Familie: Kamäile (Camelidae)
Tribus: Näiwaareld-Kamäile (Lamini)
Sleek: Lamas (Lama)
Oard: Guanako (Lama guanicoe)
Beskrieuwen fon STATIUS MÜLLER, 1776

Dät Guanako (Lama guanicoe), uk Huanako naamd, is een wüüldlieuwjende Oard binne ju Foamielje fon do Kamäile (Camelidae).

Ferspreedenge un Lieuwendsruumte[Beoarbaidje | beoarbaidje Wältext]

Dät Guanako lieuwt foaraaln in't wäästelke un suudelke Suud-Amerikoa. Do Dierte sunt tou fienden in do Anden juust so as ju Pampa in Peru, Ecuador, Bolivien, Chile un Argentinien. Jo lieuwje deer in eepen Gäärslound, bloot in hädde Wintere gunge jo uk moal in Holtbuske. Me findt Guanakos in Hööchten bit tou 4000 Meetere.

Moanskene un Guanakos[Beoarbaidje | beoarbaidje Wältext]

Dät wüülde Guanako is ju Stomfoarm, wier dät tomme Lama uut tuchted wuuden is. Aleer toachte me, dät uk wäil dät Alpaka fon't Guanako oustomje skuul. Man genetiske Unnersäikengen wiese, dät dät Alpaka fon't wüülde Vikunja oustommet. Man uumdät sik aal do Näiwaareld-Kamäile kjuusje konnen un do Basterte fruchtbeer sunt, kon me nit uutsluute, dät uk bie do domestizierde Foarmen (Alpaka un Lama) toumäts wät truchnunner tuchted wuuden is - man sukke Ienfloude sunt touminst nit stäärk.