Foarloage:Information uur Seelterlound

Wäilkeemen! In dät Seelterlound   Uur dät Seelterlound Seelterlound is ne Meente in dän Loundkring Kloppenbuurich in Läichsaksen, mäd ne Fläche fon 123,62 km2 un ap dän 31. Dezember 2010 13.031 Ienwoonere. Dät häd fjauer Täärpe: Roomelse, Strukelje, Seedelsbierich un Skäddel. Ju fräiske Sproake fon dät Seelterlound, dät Seelterske, is ju litste anärkoande Minnerhaidesproake fon Europa, ju fon sowät 2.200 Moanskene boald wäd in Seelterlound. Skichte Twiske 1100 un 1400 wuude dät Seelterlound fon Fräisen uut dät Aast-Fräislound fon däälich besiedeld. Dät Seelterlound waas loange Tied gjucht isolierd un bit tou dät 19. Jierhunnert ien kuud me bloot mäd n Skip uur ju Seelter Äi in Seelterlound kuume. Do bit tou ju Gebietsreform fon 1974 tjo oainständige Meenten wieren Strukelje, Roomelse un Skäddel. Dät Koloniegebiet Seedelsbierich waas ne Buurskup fon Skäddel. Wikipedia ap Seeltersk Wikipedia wuude ap dän 15. Januoar 2001 stifted fon James "Jimbo" Wales. Ju seelterfräiske Wikipedia begon Anfang 2007. Apstuuns rakt et 4.125 Sieden ap Seeltersk, weerfon 10 gouldene Artikkele.   Strukelje > Strukelje is n Säspeltäärp un fröiere Meente in dät Noude fon Seelterlound. Dät Täärp lait wäästelk ju Seelter Äi un suudelk fon dän Uutändjer Kanoal. In dät Middeloaler stuud ju Säärke in ju Buurskup Uutände, ju also fielicht aller is. Roomelse > Roomelse is n Täärp in Seelterlound un mäd soowät 4300 Ienwoonere dät grootste Täärp fon ju Meente. Roomelse waas bit tou 1974 ne oaine Meente, nu häd deer die Meenteräid sin Sit. Skäddel > Skäddel is n Täärp in dät Seelterlound mäd 2442 Ienwoonere (2006). Skäddel waas fröier dät maast suudelke Täärp fon Seelterlound. Truch Skäddel fljut ju Seelter Äi. Seedelsbierich > Seedelsbierich is n Täärp in dät Suude fon Seelterlound. Dät waas fröier ne litje Buurskup fon Skäddel. Däälich woonje 2.950 Moanskene in Seedelsbierich. Suudelk fon Seedelsbierich bildet dät Kustenkanoal däälich dät suudelke Skeed fon Seelterlound.