Foan- un Feenmuseum Liesbetfeen

Uut Wikipedia
Bie dän Iengong fon dät Foan- un Feenmuseum
Dät Museum
Ätterbau fon ne "Moorkate"
Ju Tjalk Jantina, bääte is dät Museum tou sjoon
Dät Muttskip Johanna (gjuchts)

Dät Foan- un Feenmuseum (düütsk: Moor- und Fehnmuseum) is n Museum in ju Feenkolonie Liesbetfeen (Meente Bäärsel). Dät Museum lait diräkt aan dän Liesbetfeenkanoal. Dät wuud ap n 6. Juni 1986 truch dän "Orts- und Verschönerungsverein" Liesbetfeen ap Initiative fon dän Foarsitter Dr. Gustav Schünemann gruunded un häd ne Gruundflaakte fon 15.000 qm. Deer stounde historiske un oolde Maskinen foar dän Oubau fon Eed. Die Geskichte fon Foan un Feen wäd deer uk wiesed.

Dät Museum häd tjo Skiepe: Ju iersene Tjalk "Jantina" wuud in 1900 in Dokkum in Fräislound baud, is 14,9 Meter loang, boolde 3,4 Meter breed, häd n Gewicht fon 15 Tonnen un kon 28,7 Tonnen leede. Dan häd dät Museum noch n holten Muttskip "Johanna". Dät is n originoalen Ätterbau fon ne Mutte uut ju Tied um 1900 un häd dät Museum särm ätterbaud un is 15,70 Meter loang un 3,60 Meter breed. Dan hääbe se uk noch ne Pogge.

Dät Museum lait an ju "Route der Industriekultur im Nordwesten". In dät "Kanalwärterhaus" fon dät Museum is Poater Dr. Laurentius M. Siemer O.P. (1888-1956), wierfon dät Gymnasium in Roomelse sien Noome häd, bädden. Museumsdirektor waas siet ju Gruundenge bit toun 30. Okober 2011 Dr. Gustav Schünemann. Sied 1. November 2011 is dät Antje Hoffmann. Siet 2009 heerd dät Museum tou ne Stiftenge. Do hääbe ap n 8. April 2011 hiere 25-jierich Bestounden fierd.

Ju Foanlieke fon Burloage[Beoarbaidje | beoarbaidje Wältext]

Tichte bie Seelterlound, bie Burloage in ju Äästerweeder Douse is in dät Eedoubaugebiet fon dät Moorgut Seedelsbierich ap n 27. Februoar 1939 truch dän Eedgreeuwer Heinrich Breer ne Foanlieke fon n jungen Wänt fuunen wuuden. Ju Lieke fon "Burli" waas al fon 2005-2009 in dät Foan- un Feenmuseum uutstoald un is nu bie ju "Universitätsklinik Hamburg-Eppendorf" truch moderne Methoden unnersoacht wuuden. Die Wänt was twiske 12 und 14 Jiere oold un is twiske do Jiere 1046 un 1164 stuurwen. Ju Skelett-Lieke wuud in 2011 in dät "Landesmuseum für Natur und Mensch" in Ooldenbuurich uutstoald un is in n Meerte 2012 wier ätter dät Foan- un Feenmuseum tourääch keemen.

Literatuur:

  • Heft 74 der Schriftenreihe des Landesmuseums Oldenburg „Natur und Mensch“ unter dem Titel „Das Kind aus der Esterweger Dose – Dokument einer außergewöhnlichen Skelett-Moorleiche“

Wälle: Magazin in dän GA fon 5. Meerte 2011

Sjuch hier:

Bielden[Beoarbaidje | beoarbaidje Wältext]

Sjuch uk[Beoarbaidje | beoarbaidje Wältext]

Ferbiendengen ätter buten[Beoarbaidje | beoarbaidje Wältext]

 
Museen un museoale Iengjuchtenge in dät Ooldenburger Lound

Seelterfräiske Kulturhuus

Museen
Skäddeler Määlnemuseum | Foan- un Feenmuseum Elisabethfeen | Museum Buurich Stickhusen | Museumstäärp Kloppenbuurich |
Feen- un Skeepfoartsmuseum Wäästrauderfeen | Skoulmuseum Folmhuusen
Museoale Iengjuchtenge
Museumsiersenboan Ammerlound-Bäärsel-Seelterlound (MABS)