Floaksmeer

Uut Wikipedia
Zur Navigation springen Zur Suche springen
Floaksmeer
Westoverledingen in LER.svg
Politik
Lound Düütsklound
Buundeslound Läichsaksen
Loundkring Lier
Meente Westoverledingen
Uur
Postleittaal 26810
Tiedzone UTC +1
*Suumertied UTC +2

Dät Täärp Floaksmeer (Plattdüütsk Flaasmeer;Hoogdüütsk Flachsmeer) is een Deel fon ju Meente Westoverledingen.

Geskichte[Beoarbaidje | Quelltext bearbeiten]

Ju wiedloftige Foangebiede uut ju Foartied, ap wäkke däälich dät Täärp lait, wuden eerst in dät leete 17. un in dät 18. Jierhunnerd kultivieret. Dät Täärp wuud in 1770 as Feen-Siedelenge apsteen un is tou Begin man loangsoam woaksen. Domoals waasen in fuul Feen-Siedlengen do Siedelere äärm, so uk in Floaksmeer. In dät 19. Jierhunnerd keemen altied moor Siedelenge ätter Floaksmeer. Fon 1905 wohneden in Floaksmeer fjaur moal so fuul Siedelenge as noch 1821. Bit in dät 20. Jierhunnerd hieden ju Siedelenge tou n grooten Deel deermäd tou dwo dät Woater fon do Foane kwiet tou wäide. Uumdät uk fuul katholske Siedelenge ätter Floaksmeer togen, is 1860 ju Säärkenmeente St. Bernhardt apstounden wuden. Ju Säärke is in een näiromantiske Uutsjoon deelsätt wuuden. Man do Floaksmeertjer waasen, un sunt uk noch, tou n grooten Deel evangelsk. Ju evangelske Säärkenmeente stammede fon ju Säärkenmeente Steenfelde ou. Foar een poor Jiehre roate et uk noch een Baptisten-Säärkenmeente in Floaksmeer. Ju hieden een litje Huus an die Riezenboomsträite (Birkenstraße) 44. Man dälich rakt et ju Huus nit moor. Oun dän 1. Januar 1973 is Flachsmeer in ju näie Meente Westoverledingen keemen.

Däälich[Beoarbaidje | Quelltext bearbeiten]

Däälich rakt dat 4151 Ienwonere in Floaksmeer (2001).

Die Noome fon dän Täärp[Beoarbaidje | Quelltext bearbeiten]

Die Noome is dät eerste Moal 1818 uurlääwert wuuden. Hie geen ap do groote Foanseen touräärch, in wäkke man fröier die Floaks ounbaued hääd.