Chur
Chur (düütsk: Chur, rätoromanisk Cuira', Frantsöösk: Coire; Italieensk: Coira) is ju Haud-Steede fon dän Swaitser Kanton Graubünden un ju Region Plessur. Chur lait oun't gjuchte Ouger fon dän Alpen-Rhien un jält as ooldste Stääd fon ju Swaits.
Befoulkenge
[Beoarbaidje | beoarbaidje Wältext]| Befoulkengsäntwikkelenge | |||||||||||
|---|---|---|---|---|---|---|---|---|---|---|---|
| Jier | 1500 | 1860 | 1900 | 1950 | 1970 | 2000 | 2005 | 2011 | 2012 | 2015 | 2016 |
| Ienwoonere | ca. 1'500 | 3'990 | 11'532 | 19'382 | 31'193 | 32'989 | 32'409 | 36'690 | 37'036 | 37'237 | 37'106 |
Sproaken
[Beoarbaidje | beoarbaidje Wältext]In Chur wuude aleer maast Rätoromanisk boald. In't 15. un 16. Jierhunnert wuude dät Churer Rhiendoal germanisierd, un dät is bit däälich grootstendeels düütsksproakich blieuwen. Die hooch-alemanniske Dialekt fon Chur hat Churerdüütsk.
Bie ju Foulks-Tällenge 2000 wuuden do Ljuude fräiged, wät jo as Haud-Sproake bruukten: 81 % Düütsk; 5,4 % Rätoromanisk; 5,1 % Italieensk. In't Jier 2002 bedruuch die Buutlounder-Oundeel 17.6 %. Monken do Swaitsere, do in Chur lieuwje, sunt oaber uk bloot min, do Burgere fon Chur sunt (wildääge wäägen ju spesjelle Swaitser Gjuchtreekenge): In 2001 häd die Burger-Räid een Ienbuurgerengs-Aktsjoon ounstat un aal do Swaitsere, do sänt fieuwuntwintich Jiere sunner Unnerbreekenge in Chur lieuwje, ienleeden, "tou goadelke Bedingengen" Ienburgerenge tou aaskjen - mäd dän Ärfoulch, dät die Burger-Oundeel in do Jiere 2001/2002 fon 7,27 ap 12,60 % groide[1]
Religionen
[Beoarbaidje | beoarbaidje Wältext]
Ju eednootiske Foulkställenge uut dät Jier 2000 roate ju foulgjende Konfessionsbielde fon ju Stääd ou: 44,6% wieren roomsk-katoolsk un 38,5 % protestantisk. (Problematisk is deerbie, dät nit bloot ju Näiapostoliske Säärke Swaits, man sogoar do Tjuugen Jehovas as Protestanten meetäld wuuden sunt: Tjuugen Jehovas wäide fon do maaste Protestanten goarn't moal as Kristen ounärkoand un seküür nit as Fertreedere fon ju oaine Konfession). Buppedät roate dät 1,8 % kristelk-orthodoxe, 2,8 % muslimiske Ienwoonere; 6,3% moakeden neen Ounjääfte of heerden uurs een Gloowens-Meenskup tou, 6,1 % beteekenden sik as konfessionsloos.
Foutnooten
[Beoarbaidje | beoarbaidje Wältext]</references>